نبض الشارع
سجل و تمتع بخدمات موقعنا
ملاحضة
عملية التسجيل سهلة جدا فقط اسمك و ايميلك و رقم سري



 
الرئيسيةبحـثالتسجيلدخول
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
pubacademy.ace.st--!>
pubacademy.ace.st--!>

شاطر | 
 

 ياسر التويجري قصائد مكتوبه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
nermeen
35
35


انثى عدد المساهمات : 18007
ذهب : 36295
تقييم المشاركات : 265
تاريخ التسجيل : 10/09/2011

مُساهمةموضوع: ياسر التويجري قصائد مكتوبه   الإثنين فبراير 13, 2012 12:27 pm

ياسر التويجري قصائد مكتوبه
ياسر التويجري قصائد مكتوبه
ياسر التويجري قصائد مكتوبه

الموسوعه الشامله لقصائد ياسر التويجري (( مكتوبه )) .

السلام عليكم ورحمة الله وبركاته

والصلاة والسلام على أشرف الأنبياء والمرسلين سيدنا ونبينا محمد صلى الله عليـــــــــه وســـــــــلم

أمــــــــــــا بعد ::.

أقــــــــــدم هذه الموسوعه الكاملة الشاملة لجميع أو أغلب قصائدة المكتوبــــــــة

بأذن الله تعالى

للشــــــــــاعر الكبير الجـــزل

ياسر بن محمد بن على التويجري

------------------------------

نبداء بأول قصـــــــيدة للشاعر الكبير ::.

.::: قصيدة القيــــــــادة :::.

وهي معروفة من قبـــل الجميع لصيتها الذائع كشـــاعرها المميز دائماً



افتـح الـقـرآن يالله أو حـديـث السـنـة
وأعطنـي أقـوى دليـل يفـنـد العلمـانـي
كأنـه مكفـر عطنـي مقـضـب المنسـنـة
والله الـوانـي لاجبـعـات بالنـصـرانـي
وان غدا عاصي رح بـي للـذي وش كنـه
وش كنه عين نبع من صفاها تروي العطشاني
شيخ يـا للـي منتـه منـه ولا إيـه منـه
ضلع قلبي بيض وجهـي جـدي الروحانـي
عزكـم يـا لعـودة اللـي تكسـرون الشنـة
وعزنـا بالديـن حنـا شيخـنـا سلمـانـي
الخـوارج حوطونـا مثـل ســور العـنـه
عذرهـم رأييـن لازم واحـدً مــع ثـانـي
وأخـر الآراء شفـتـه واحتقـرتـه لأنــة
الدليـل اللـي يؤكـد نـزغـه الشيطـانـي
ودهــم أن الـعـذارى يركـبـون الـدنـة
ويتمشـن بالشـوارع كـان بـالا مكـانـي
علموا راعـي المعـارض كـان يبغىالجنـة
لا يبيـع الا رجــال وعـلـم الحمـرانـي
والله آن البنـت والله لـو تسـوق بفـنـه
أن تصيـر بمملكتـنـا ثــورة الشبـانـي
وان تشـن الحـرب شنـه ماوراهـا شنـه
وأن يصيـر الزيـت وهـن يطلبـن مجانـي
لاتقيـس الـدار هـذي مـع ربـوع فينـة
ولا تقـارن هالشـبـاب بـواحـد لبنـانـي
أبــك ذولا مجرمـيـن وعـالـم منجـنـه
عشقهـم لحـم الجمـال وطبخـه الضبانـي
الهلالـي مثـل شكلـي لـو يجينـي الخنـه
فـي عطـال القيـر وإلا قفـلـة البيبـانـي
فـي طريـق مظلـم مـا للموبايـل رنــه
مقطعـه مافيـه حولـه مـرمـره سكـانـي
وش يسـوى يـا جماعـه؟؟؟الله اعلـم انـه
يفتح المصحف ويقـراء سـورة الرحمانـي
علـم الزلفـه يـوقـف لانخـيـب ضـنـه
فالقصيـد اللـي حـدة خنـجـر عدنـانـي
إيـه شاعـر والدلالـة كسـرة فـي سنـة
لا انعمي ينطح بوجه مثـل نطحـه العميانـي
الله اكبر يا قـرى مكـة ويـا أهـل السنـة
عرضكم أصبـح نقـاش لـو أحـد علمانـي



القصيــــــــدة الثانية

.::: البــــــارحة :::.

ألقاها الشاعر ونثر عطرها وجزالتها في الملتقى الأدبي في الملحقية في دولة مصــــــــر


البارحـه فـي يـوم عشـره ينـايـر
ثارت على الـراس المحمّـك ثوايـر
حاولـت اغيّـر فالزمـان المغـايـر
ولا حصل لي شي غيـر الـذي صـار
الله يـعـزك ياقضـيـة فلسـطـيـن
من اربعينـك اليـن سبعـه وستيـن
ومـن اولـك واليـن بكـره وبعديـن
لولاك كان تضيـع نشـرات الاخبـار
حنا عـرب نعـم عـرب يـا أوربـا
ماعنـدنـا الا جـبـن والا مـربّـى
الشخـص منـنـا لاتبـيـن تغـبّـا
وهذي سياسـه للهُدوْ قبـل الاعصـار
سيوفنـا وقـت المـلاقـا شطـيـره
يعنـي علـى ماقيـل مثـل الشطيـره
وهذا دليـل(ن) مـع نقـاء السريـره
والله يجيب الخيـر ويطيـح الامطـار
سـلام يابـوش الابــن يالمـبّـدى
ياللـي علـى كـل المبـادي تـعـدّا
طيـب .. لـو نعـم ربعـي تــردّى
وقدامـنـا جـلـه وقدامـنـا نــار
ياكندليزه رايس اهـلا(ن) وسهلينـي
ام الجمـال اللـي يهـز السلاطـيـن
غنجك ذبح له فـوق خمسـة ملاييـن
هذي ضحايـا والضحايـا بـك كثـار
فخامـت الرئيـس حسنـي مـبـارك
يحفظ جـزء عمـى وينسـى تبـارك
وأكبـر دليـل انـه يقـود المعـارك
مـو اقفـه لاجـات حـزات الاخطـار
القاهـرة بلـد حـظـاري وبـطـران
فيها البنات انـواع واشكـال والـوان
مـن هارديـز اليـن ميـدان لبنـان
وأحسن بنات اللي يجن طرق وصغـار
ورموشهن شبرين وعيونهـن سـود
وأنعم من الديباج وأرهف مـن العـود
لباس مـن حلـوى وحجّـان وخـدود
كسلات في الممشى وفي الغنج شطـار
أنا هنـا يمكـن قبـل أربـع اعـوام
رحت اتمشى عنـد هامـات الاهـرام
وركبـت مـع تكسـي وقـدام قــدام
حـتـى تعـديـنـا بـقـالـه ودوار
وجينا وأثر فيها خيـول(ن) عريبـات
أجدادها قـد شاركـت فـي الغـزوات
اجارهـا يمكـن بـاربـع جنيـهـات
وزَوّد صفـر ولاتـدقـق بالاسـعـار
أخذت لي خيـل(ن) وكربـاج وأقفيـت
يعني علـى قولـت عنيـت وتمشيـت
وياليتنـي مـع المقـاديـر ماجـيـت
ولا رأيـت اللـي يهستـر بالانظـار
فيهـا البنـات يسابقـن الرياجـيـل
اللـي عليهـم ضيّـقـات البناطـيـل
فـوق الخيـول يجاذبـن المـواويـل
مهـار لكـن فـوق قبّـات الامـهـار
غازلـت لـي وحــده ولاعبرتـنـي
حلوه وفيهـا مـن ملامـح (برتنـي )
وأقفيت اشيل الهم مـن فـوق متنـي
عقب ماقالـت لـي حيـوان وحمـار
وأنا مانيـب انسـان واطـي وسافـل
أنـا مـن اللـي يحكمـون القـوافـل
أحيـان مكفـول(ن) وأحيـان كـافـل
واكره ماشوف الظلم .. والذل .. والعار
أبترك الموضـوع وأدخـل بموضـوع
دام ان صوتي عند ( الاجواد ) مسموع
نبينـا (محمـد) ولاهـوب (يـاسـوع
)المصطفى الهادي شفيع(ن) للابـرار
لو انتحـر صـدام مـن قبـل ينهـان
وخلاّ المشاكـل كلهـا فـوق بـرزان
مكان مصخر بـه قـدم كـل الاعيـان
عزيـز قـوم(ن) ذل بيديـن الاقـدار
(سبيس تون) ان كان في الناس حيره
أفضـل بواجـد مـن قنـاة الجزيـره
تضحّـك الورعـان وقـت الظهيـره
وهـذي تبكينـا اليـا جـات الاخبـار
ختامهـا مـدري وش اقـول لـكـن
ماحب انا أسمـع اغنيـة (الاماكـن )
من ثقل همن بيـن الاضـلاع ساكـن
الله يحرول ساق رجلـي عـن البـار

علاقة شعرية وأخوية وحب وصداقـــــــــة قوية تجمعهما منذ فترة وتجمعهما كذلك لقاءات شعرية ومحاورات


لن أطيــــــــــل عليكم وأليكم القصــــــــيدة ,,,,


وهذه القصيدة وجهها شاعرنا الي ابنه الامير راشد بن عبدالعزيز آل سعود

وقد سماه ابوه بـ راشد نسبة الى خواله آل مكتوم


العيـد حـق الله وعيـد الوراعيـن
والا انت عيدك عيـد نجـد العذيـه
قبل امس وامس وقبل عامٍ وعاميـن
فـي كـل يـومٍ عيدوانـت الهديـه
ياسيّـدي راشـد ابمدحـك ومنيـن
وانـت العريـب الليعروقـه قويـه
يكفيك عـن كـل التشابيـه ثنتيـن
دم الـخـوال وهيـبـةٍ وايـلـيـه
جاني خبـر ان العـذارا المزاييـن
تكرفعـن قـدمـك بنـيـه بنـيـه
جاني خبـر ان الفـروخ الشياهيـن
الـنـادرات القـطّـع الساحلـيـه
اللي علـى كفـك ماهيـب للحيـن
على كفـوف اللـي لهـم مقدريـه
وش لك عذر وابوك لو يصدف الدين
يوجه عليـه مـن العطـا مدفعيـه
عبدالعزيز ابوك ماهو عـن الفيـن
مافيـه اصـلاً بالمخالـيـق زيــه
ياسيّدي راشـد ابوصيـك بأمريـن
لو انـت مانـت بحاجـةٍ للوصيـه
احفظ ابوك اللي على العسر والليـن
سمـحٍ لـقـاه ومـدتـه حاتمـيـه
اللي عطاك العز مـن عـزة الديـن
وأضفى عليـك الشهـرة العالميـه
وحافظ على مجـدٍ بنـوه العزيزيـن
عمره مهوب سنين له فـوق ميـه
وابطلبـك طلبـة عزيـزٍ مسيكيـن
ماله جـدى ياكـود جاهـك و فيـه
ذكّر ابـوك ان الرجـال الاصيليـن
مايملكـون الا بطـيـب السجـيـه
وهـو ملكنـي والله الوالـي يعيـن
في صحبته في حشمته فـي العطيـه
قله وسمني مثـل وسـم البعاريـن
وياحلـو ميسامـه وياطعـم كـيـه





القصــــيدة الرابـــــــــعه

.::: العـــــرش :::.

أليكم القصـــــــــيدة


ضحكت وشققت عينـي ملامـح (رزة) المغـرور
خنقـت الهـرج بلسانـي وقلـت الله يحييـنـي
عرفت إني على بعضي سلاحٍ فـي يـد المقهـور
وكنـه ياخـذ حقوقـه شراهـه باجـزل إيدينـي
أنـا ماهمنـي إنـي بسيـطٍ راضـيٍ مسـتـور
أنا لـو مايجـي منـي سـوى مقتلـك يكفينـي
لإني أدري إن اللي شهـد ضـدي شهـادة زور
يجي له يوم واطري له علـى التفكيـر ويجينـي
حمدت الله يـوم إنـه جعلنـي كتلـةٍ مـن نـور
حمدت الله يـوم إنـه رحمنـي مـن شياطينـي
مادام الوقـت مايدعـم طمـوح ومايمـد جسـور
أنا احسن لـي أتريـح تحـت أسـم المساكينـي
لإنـه بينـي وبينـك قهـر أتشـبـه بتيـمـور
وأنا أصلاً من عروقـي ملـوكٍ تقضـي الدينـي
وإذا ودك يسمونـك بشعـرك شاعـرٍ مشهـور
أنـا ودي يسمونـي عزيـزٍ عـزتـي ديـنـي
أنا ماعزني شعـرٍ كتبتـه فـي عيـون الحـور
ولو إنـي قـدرت اقتـل قتلتـه فـي شرايينـي
وأنـا ماعزنـي خالـد ولا مسلـط ولا منصـور
ولا ناسٍ تصفق لـي وتكتـب عاشـت سنينـي
أفكر وآخر افكاري (أفكر فـي رضـى الجمهـور)
ومع ذالك كثيـر اللـي مدحنـي وافتخـر فينـي
لإنه لو وصل صيتي بشعري لو وراى (لاهـور)
أظـل بواقعـي ياسـر ووضعـي ماملـى عينـي
تصدق لو قدرت أجهض قريحت شعري (المسعور)
واسـوي مسـح لأبيـاتٍ تـرددهـا محبيـنـي
أبـادر مانتظـر لحظـه ووادع عالـمٍ محـظـور
واقـول الله ياربـي طلبتـك نسـنـي ويـنـي
وإذا هي هرج وعلـومٍ علـى مـد الخيـال ادّور
أنـا ودي قبـل لاطلـع أطلـع عزتـي فيـنـي
واصير العاهـل المنقـذ لأمـه ظامهـا هالجـور
وامـد النـاس مـن مـدة عظـيـمٍ مايخليـنـي
وامد سبال كفيني على عـرشٍ عريـض سطـور
واحط الشعب في عيني .. واحطك تحت رجلينـي
واجيبك عندي بقصري وانا الآمر على المأمـور
واقول امدحنـي بشعـرك وحلـق فـي بساتينـي
وإلى من قلت مايرضي (زعيمك) قلت لك ياثـور
صدق شعرك مـادام إنـه تغنـى فـي عناوينـي
كذا حققت لك ذروة طموحـك باسـرع المقـدور
وانا مابي من الدنيـا سوى(عـرش السلاطينـي)
القــصيدة الخــامسة

.::: العنــــــــود :::.


لا شموخ وكبرياء وأنـف يرقـى للسنـود
والقضيه أكبر أكبر من شموخـي وإدِبـي
للجهاله إيه والله فـزت فـي كـل البنـود
والغباء لكل شخـص ٍ مايقّـر إنـي غبـي
أستبّد وكني اللـي ماخلـق مثلـه إسـود
لين داور هالزمان وقص خشمـي وشنبـي
إيه راحت وتركتني ويمكـن إنـه ماتعـود
وداست برجله لعانه وجـه قلبـي وأهبـي
وكرّمتني فوق نزفـي وشكرتنـي للجهـود
وقالت إنت وبإحتقـار ودق كفّـه منكبـي
من تكون ومن أكون وطول عمرك لو تسود
ماربطني مـع شتاتـك إلا يمكـن مذهبـي
حمّلتني فوق وسعي وأكبر حلولي صمـود
والصمود لغير موقف مثـل هـذا مطلبـي
وطحت كني في مكاني شي تافـه مايكـود
حتى أرض ٍ إحتوتنـي ماتحفّـت بركبـي
كني اللي حاصل ٍ له دعوة ٍ من قلب عـود
وافقت له إستجابه وإستـوى لـه مايبـي
وش عليها يوم راحت وتركتنـي للشـرود
وشبّت النار بيدينـي وإستعانـت بحطبـي
وش عليها يوم سوّت إحتفـالات الهنـود
ورسمت رمز الضحيه فوق عيني وهدبـي
وشكّلت قلبـي طبـول وقدّمتهـا للحشـود
وإستعانت في حلاها وإستقالـت منصبـي
وإستلذّت صوت قلبي لا تعلاّ صوت عـود
وإستغلّت كـل درب ٍ يـم رومـا وتعبـي
ليت وقت ٍ قد مضى لي قبل حرمان الصدود
يغدي الدرب ويجيني أو أجي له لـو حبـي
يوم فوحي من غلاها ريح مسك وريح عود
وإن سكت لغير قصدي قالت آمر وش تبي
تنقهر عبله عليها وسـط طيّـات العقـود
وأقهر العبسي بحب ٍ دون سيف ومشعبـي
لامشتني مع دروبي وأصعب دروبي حسود
كن قلبه قلب ذيب ٍ وسط جوف ٍ في ضبـي
ترسم بريده بكفـي مالهـا حكـم وحـدود
وأنثر الطايف عليهـا بالقصيـد المغربـي
كرّهتني فـي حياتـي وأنكرتنـي للجحـود
يوم فازت في ضياعي وإستملّـت ملعبـي
إرجعي لي لو سمحتي إرجعي لي يالعنـود
دام قلبي يوم رحتي في ضلوعـي مختبـي
مايفيد الحـال بعـدك لانيـاف ولا خلـود
وش يسوّي كل مكسب دامك أنتي مكسبـي
إذبحيني لو بغيتي وإلغي إسمـي بالوجـود
وإكتبيني تحت عطفـك دام بيـدك مخلبـي
وكان خفتي من خيانـه قيّدينـي بالقيـود
وعقّدي لي تحت نمله وسط غار ٍ مرعبـي
ماعليّ من الملامـه والاهانـه لـو تـزود
والرجولـه مانبيهـا لا نويتـي تقـربـي
واجد اللي يحسبون الحب تفتيـل الزنـود
ظافرين وكل واحـد بنـت قلبـه تنسبـي
الدعايه دبلجتهم من شموخ وبيـت جـود
في بحور ٍ لو تبعته كـان يغـرق مركبـي
ماعلينا إرجعي لي لـو سمحتـي يالعنـود
دامك أنتي أكبر أكبر من شموخـي وإدِبـي
وصدّقيني لو يحول الوقت دونك بالسـدود
ما أنكر إنك يوم رحتي طحت واثق بركبـي





القصيــــــدة السادســــــــة

.::: المرء يلدغ من جحر ويتركه :::.

تعبير رائع وذوق شاعري قوي وجزل أستطاع الشاعر التويجري الخلط مابين الشعر العامي والفصيــح


الشخص يلدغ مـن جحـر ويتركـه
وأنا لدغـت عشـر مـرات لاكنـي
مازلت انـوخ ركابـي فـي مرابعـه
يجفـاه رأيـي ورجلينـي يـودنـي
ما كان صبراً عزيز النفـس يمنعـه
بل كان ضني وأضنه خايـب ضنـي
هوجاس ياللي مضى لي وقت أصارعه
أنا سكين وهـو ذا الحيـن ساكنـي
لابد أبين خصيمي قاتلـي مـن هـو
وادفنه حيـاً قبـل برضـاي يدفنـي
أنـا سكيـعً مشـرد فـي شوارعـه
وهـو عزيـز مكـرم مـادرا عنـي
القـرش يرفـع بيـت لاعمـاد لـه
والفقـر يهـدم بيـت العـز ويدنـي
الله.. وربي..وديـنـي لا أضيـعـه
شاء القضـاء وجانـي مـن يجننـي
أبو جديل أليـا منـه نطـق شنهـو
شنـه يشقـق حشـاي أو يلفعـنـي
عين الحمـام صفـاءً فـي محاجـره
ورمـش ضليـل لكـن مايضللـنـي
حاز الكمـال جمـالاً حتـى أصبعـه
والعيـن والخـد والأذنـان والسنـي
الله وأكبـر عليـه وكــل مامـعـه
لاشفت زولـه مقفـى تقـل يلفعنـي
غرونً وضعني جزافاً وسـط مدفعـه
و عقل قليبي وحـاول بـي وأقنعنـي
أن الذليـل عزيـز النفـس يتبـعـه
والضن ضني وأضنه صايـب ضنـي
القصيــــــدة السابعه

.::: الموسمية :::.

قصيدة جاءت مدوية بكل معاني الكلمة تحمل العديد من الحب والتقدير لصديق ياسر التويجري

وجاءت فرصـــــة ليذكر الشاعر حبه بالطيور والصقارة بشكل عام مع الوصف الدقيق الشامل

وأليكم القصـــــــيدة :::.


يابو(..فيصل..) لاتكثرها على القلب الصويب
خوتك تـاج علـى الـرأس الرفيـع مقـدرة
طردة المقفيين عيب وتركه الغالييـن عيـب
وأنت غالي جيت لمي عـز وعتـاب وشـره
مالك الا طلقه الحجـان والصـدر الرحيـب
وأنت عطني من بياضك شئ غيـر المعـذرة
المهلهـل لـو بغـى بالغـدر ماخـلا كليـب
وأنـا والله مثـل سالـم ماتركتـك مسخـرة
مير تدري ازهـم الراعـي وكثـر بالحليـب
خلنـا ندهـن سـواد القلـب وألا نـدمـرة
خلفتـاً ماهيـب ملحـا لاتهمـك يالصحيـب
الحـلا لـو قصـرت بـه الجزالـة تجبـره
أشرب أشرب وأنـا فعـل الكآبـة والكئيـب
والله أن تأخذ علومـي جـل ماهـي منكـرة
الظروف اللي حدتنـي للمبـدا شـق جيـب
قسمتاً تمطر على قلبـي هجـوس وتغمـرة
أتذكر بـاذر الريضـان وقشـوع الشعيـب
والحيا ومداعبـات الديـم ولا ضـم زهـرة
والديار اللي شمـال عنـك الرجـل اللبيـب
نفد وألا خضب وألا سيح وأن كـان وعـرة
أتذكر مشيتـي فيهـا وأنـا مانـي غريـب
حافظاً كـل المعالـم مـن حصـاة وشجـرة
مع رجال يرادون العـزم مـن جـم القليـب
لاغدا بالجـو مـن خيـر المحاديـن غبـرة
زينها والعلم جانا من حمـود ومـن هديـب
والحبـارى فالمـذاري بالطيـور مخـمـرة
ومعك زودً يالسنافي عن فلاح وعـن ربيـب
أشقـر ماهـوب شامـي لا ولا مـن انقـرة
فرخ ماجلـب علـى الصفـاة الهـم قليـب
نقوتي وأنا انتقيتـه بيـن خمسـة وعشـرة
وافياً وقياس طولـه منـه لعروضـه قريـب
وأن قفيته كـن لونـة مثـل لـون الحمـرة
صافياً لو كان مابـه كبـر حبـات الزبيـب
دقتيـن فـي غواطيهـا لـو أخـر بظهـره
يعني من اللون معجب او نقول انـه عجيـب
تنبهـر لا شفـت قفـوة وتحيـر بنـحـرة
كن ضربات السهوم اللي بصدرة مسح شيب
ساطيات بأخـر العشريـن فـي قذلـة مـرة
أقحباً وراسة مسطح مثـل رأس ام الجنيـب
وأن عطاك الجنب ماله غير مـدور منخـرة
لاخذا عنه اللقوف اللـي يـدور فيـه عيـب
كنه اللي شـاف وجهـه يالسنافـي يقمـرة
كاشفاً كنه قطاعـه الحليـب مـن الرويـب
وكن عينه مع بياض الخـد فتحـه مسكـرة
..عاتقـه الله واكبـر ياعليـم ويـا رقيـب
أطول من الشبر واقصر قفلتين مـن الـذرة
لانطحتـه بزوطيـاً تـو ماعـلـق نقـيـب
أمتلهـف مـن كميلـة كنـه تحـك شعـرة
وأن قفيتـه يابو(فيصل)كنـه قفايـه طبيـب
عقب حاول بالمريض وعجز عنـه وخسـرة
محدبـلـه لامـديــون ولا مستـصـيـب
شــارة للسـبـق وشـــئ تـخـبـرة
أتذكر قبل مـدة عـن أبـو عـادل شبيـب
يوم طيرة صلف تذكـر قبـل يفعـل نحقـرة
ويوم هدة وش تبين ؟؟غير صفق مع وحيب
أنشلع كتله مـن القرطـاس والعـج دفـرة
ويوم حول والله أنه مجـرم طاغـي وريـب
كنه هوايـه مظلـي عقـب خانـه منشـرة
ويوم جينا الطيرق اللي وش لقينا به يصيـب
غير طوله الجنـاح و زور وحـداب ظهـرة
والله أني ماطمعت بغيـر ذولـي يالصحيـب
غيـر هجـر لانقلتـه كـن كفـه مجحـرة
مسبل ريشة عليـه تقـل مجدولـة سبيـب
والا ثوبة للكويـت اللـي تحـب الفشخـرة
قاطـعً مافيـه شـئ مايستطيعـك تستجيـب
والله انه في الحلالـة خيـر شـئ تسكـرة
شوفته وهو يتفـلا بالخـلا عنـد الجويـب
فالمضحـى صيـدة أربـع عـدال مصطـرة
الله اكـبـر يـأهـل الاربــاح وال***ـب
الرهيب راعي المليار والا فووق ماجبت خبرة
والوكاد أني مـن الويـلان مرديـاً مصيـب
والريال اللـي يجينـي مـا أحشمـة أقهـرة
أدفعـه بدنـاه شـئ مـن دون تحسـيـب
والله الـرزاق والا النـاس ماهيـب ثمـرة
القصيدة خلصـت ياصااحبـي والعـد غيـب
والنشر ما أحب اغسـل قصيـدي وأنشـرة
لاتـركـت تنـعـرض فيـديـو كـلـيـب
كيف أبطلع فـي قنـاه كـل أبوهـا مبـزرة
رقص وأغاني مجون وفسق والمضمون خيب
ومن نصر ربي ترا ربـي رحـوم ينصـره
أسـئـل الله الـواحـد الـفـرد المجـيـب
أن يوفقـنـا ويهديـنـا وأنــا نشـكـره




القصيدة الثامنة

:::. ملوك الأرض .:::

هذا ماجادت به قريحه شاعرنا الكبيــــــــــر في أحـــــدى المناسبات



وأليكم القصــــــيدة ....


حاضر بحاضر واللغـة والقوانيـن
بشروطها ماهيـب تمشـي عليـا
قطف الخزامى والنفل والرياحيـن
فيك انت يا مشعل شويـه شويـه
عليك اترجم معجم الروس والصين
لين اختـرع لـك قنبلـة نوويـه
أنا حصـاة(ن) فررتهـا البراكيـن
وأراد ربـك ليـن طاحـت هنيـا
إما احتملني يـا مـلاذ المساكيـن
وإلا إعتبرهـا جلسـة(ن) حنبليـه
سلام يا عز الأقاصـي و الأدنيـن
يابو اليتامـى يـا زبـون الونيـه
يا النادر اللـي زهلـوك المياميـن
على الشـرف وقيـادة الشاذليـه
ملوك الأرض مخزميـن المعاديـن
يوم إنهـا بالسيـف و العنجهيـه
جوهاعلى ظهورالصفر والبعاريـن
اللـي عليهـم تاقـف الوايلـيـه
عبدالعزيزاللـي يديـر الميـاديـن
في حكمة(ن) وسياسة(ن) عبقريـه
ما راح يدرسهـا بلنـدن وبرليـن
ولا درس فـي مدرسـه جامعيـه
درس على شرب الكدر بالفناجيـن
و ضرب العلابي بالسيوف القويـه
هامات نجد من اول الوقت والحين
حنا لهـم و ان ثـارت الطايفيـه
ضرب الفشق بمقبلات المخازيـن
وحفظ الظعن والهوش دون البنيـه
لا شيطنوا حنا سعـوط الشياطيـن
قد قالها اللـي مـا يخلـي خويـه
لا شرع غير كتاب رب المصليـن
ولا فيه سنـة غيـر سنـة نبيـه
جيولوجيا الذرة وعلـم الموازيـن
والفلسفـه والرطنـه الفارسـيـه
ومولفات بلير و إسحـاق رابيـن
وسقـراط و اَدينـوس والراهبيـه
تفنى ويبقـى وجـه رب الثقليـن
مدبـر الأرزاق جــزل العطـيـه
والملك للـي يخدمـون الحرميـن
عقب الامام اهل الخشوم العصيـه
ملاذنـا لا جـا شريـد النهاريـن
اللي عجاجـه يدفـن (الفيصليـه)
عطواعطوا لين اغرقوا واسع العين
اللـي نكـر وقفاتـنـا الأولـيـه
الشام كله مع ضواحـي فلسطيـن
إلى العـراق وشاطـي اسكندريـه
إن ما اعترف بالحق واقر فاَميـن
تهـوي عليـه النجمـه النيزكيـه
وتاريخنا ماهـوب قبـل 4 سنيـن
بالديجيتـال وافلامـه المصنعـيـه
حنا على روس اللقـا بالنقيضيـن
بدروعنـا و سيوفنـا الصيرميـه
وفتح الرياض وما ذكرنا من شوين
مـع درب وفيـضـة العامـريـه
وتوحـيـدهـا فـــي عـــام
51من اليمـن للدولـه الهاشميـه
والملك للـي يخدمـون الحرميـن
عقب الامام اهل الخشوم العصيـه
عبدالله وسلطان يا اميـر عينيـن
عينين في راس الشرف والحميـه
في ظلهم نقطـف ورود البساتيـن
وعلى الطوايل نجـذب السامريـه
الواصليـن الفاصليـن التقيـيـن
ساطيـن لكـن عفوهـم مقدريـه
اما انت يامشعل على العقل والدين
والهيبه اللـي تقطـع ام المطيـه
حتى الجمال اللي لحاهن ذراعيـن
من صفي حجانـك تقـرب سويـه
اعرفك زين و كل عرفي لك الزين
انـك بتـرت الناقصـه و الرديـه










نبض الشارع
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
nermeen
35
35


انثى عدد المساهمات : 18007
ذهب : 36295
تقييم المشاركات : 265
تاريخ التسجيل : 10/09/2011

مُساهمةموضوع: رد: ياسر التويجري قصائد مكتوبه   الإثنين فبراير 13, 2012 12:30 pm

القصيـــدة الحادي عشــــــرة

.::: عطني زقارة كنت والأديفيدوف :::.


عطنـي زقـارة كنـت وألا ديفيـدوف
أبشـرب الـدخـان وأنــا مـطـوع
وأحذف على بكاسيت جـرج وأسـوف
وألا أن حصل عطنـي شريـط منـوع
به اذبحيني ياغرامـي وأنـا أشـوف
وألا أمهليـنـي يـاقـراح المـلـوع
أبهدم البيت المشيـد علـى الطـوف.
وابـردم العـز الـقـذوع المـجـوع
دام الزمن هـذا زمانـك يابـو نـوف
موتـي ولا عيشـة حيـاة المـجـوع
لأصرت ما أرحب لي جونـي ضيـوف
وش عاد لأقالوا عـن الـدرب كـوع
لو أنهـا بخيـول وقلـوب وسيـوف
كـم واحـد مـن طاشـر الـدم زوع
ربعي بني وايـل مـن الحـد للجـوف
مافيهـم اللـي لأظلـم الليـل خــوع
راعي مطاياهم مـع النـاس معـروف
لاهـاش عـن زمـل المعازيـب روع
من صاح نايف ضلع الإرهـاب منبـوذ
اصغـر وراعيـن الجبـارة تـطـوع
أقولها افف,, وأنا ادري الوقت مكشوف
أمــا تخـروعـوا وألا مـخــروع
ياسيـدي يابـو قلايـد ونـف نـوف
يالذة الثلـج البـرد الـزلال الممـوع
عقب الظماء من شرهه الضيم والخوف
أفقـدك رايـع وارجـع ألقـاك أروع
ذبحتني مشغـول أو عنـدك أظـروف
أبك أنـت ماترحـم حيـاه المصـروع
لأصرت مارحب لي جونـي أضيـوف
وأجوع منـك ومـن زمانـي مجـوع
عطني زقارة مـوت ماهـي ديفيـدوف
ابنتحـر ذا الحيـن وأنــا مـطـوع






القصيدة الثانيه عشــــــــــرة

.::: على كثــر ما دقوا الناس الأقراب :::.

عندما يتغزل فأنة يبدع ويبدع ويتفنن ويصل الى القلوب بأحساسة الرائع وعذوبة كلماته الرقيقة

أنـــــــــــــه ياسر التويجـــــــري الشاعر


أليكم القصيدة


على كثر مادقـوا النـاس الأقـراب
طنّشتهـم لاجـل أتحفـى بجنـابـك
أنا اعرف الباب وأدخل مـع البـاب
والشكـوى لله يـوم صكيـت بابـك
لا يابعد يانـوف عكفـان الأشنـاب
لا جات حـزة شوفتـك واحتسابـك
قولي لقلبك لا يكثّـر علـى الشـاب
قولـي لـه الله لا يحرمـك شبابـك
ان كان قصدك شـي فينـي ولا ذاب
ما شوف شـي يستحـق التشابـك
اللي هرب من زين وجهك للأسبـاب
هرب ولكـن ماسكـت لـه عذابـك
يا نوف انا عقب الصناديد الأعـراب
يوم انهـا علـى الأصايـل مدابـك
اخذت من وايل مزايـا مـن عقـاب
ومن الخوال مطير يكفـي ارعابـك
والظاهر انك منت خايـف ومرتـاب
وما ينحكى عنـدك ولا ينحكـى بـك
يا اقسى من هروش المحاني والألباب
طالبـك تكفـى لا تثـور ركـابـك
اليا زعلت شوي خذ حقـك عتـاب
وأنا لك اسمع لين يقضـي عتابـك
يابـو عيـون كنّهـا عنـة أهـداب
عليك من حبـك التواصيـف حابـك
قدّك عليه من الشمطري والأطيـاب
واللـي يحلـي وجنتينـك حجـابـك
جملة تواصيفك تجي مالهـا اعـراب
بمـوت فيـك الله يجبـر مصـابـك
لا المبسم الوردي ولا ثلجـه النـاب
ولا الجديل اللـي يخـون المشابـك
ولا ارتباكي منّك ولا شدّ الأعصـاب
ولا خضوعي لك وأنـا مـا أهابـك
ان طبت فالملقى معك أورق وطـاب
وان غبت جعلـه مايطـوّل غيابـك
وأنا اللي ألجأ للتـدواي بالأعشـاب
حتى يجيبك دربك اللـي غـدا بـك
الصدق يمكن عيب والضـن كـذّاب
بس الأكيد أن الفقير اللى أغتنا بـك








القصيدة الثالثـــــــة عشـــرة

.:::. الهنــــــــوفي .:::.

أليكم ياسر التويجري وقصيدة الرائعه ووصفه البسيط الجميل المحترف


من شفتها تمشى وأنا مافيني أخـلاف
ويـوم وقفـت بالله يازيـن الوقوفـي
أنا اشهـد الزيـن ماهـوب طـواف
الزيـن يكمـل عنـد لـم الكتـوفـي
لقيتها في سـوق واسـع بـه الآلاف
مدري وش اسمه بس سوق الردوفـي
المعـذرة لازم نوضـح الأوصــاف
ولازم أبيـن وش خفـايـا حتـوفـي
مشيت فيه مثل رزة الأشهب الألطـاف
بـس أتقـرص وأتحـرق بجـوفـي
وأدور الهيئة وأنـا جسمـي رجـاف
ضايق ولا ادري وين أودي بقطوفـي
واللـي قاعـد بعقلـي الفـذ ألطـاف
من جمس مايكفي ولاهو من ضيوفـي
و كلبشـة وجنـدي وشيـخ وكتـاف
واللـي يغـازل عنـد عينـي ألوفـي
مير الو كاد كنه جاني قدم عيني أخفاف
ومشيـت ارددهـا ياخوفـي ياخوفـي
لين اعتزمت أبشتري لي قلـم جـاف
خفـت السيـور المعدنيـة اللهوفـي
ودخلت فـي فتحـه محـلات عيـاف
ولقيت لي مصـري كثيـر الحلوفـي
رحـب منورنـا ياباشـا وأناعـارف
وعزمنـي علـى حلـوى وتـوفـي
قلت أنت وش اسمك بلا لف واثبـات
ومنين جـاي مـن ديـار السروفـي.
قال ايوه اضحك ياقدع بص الأصنـاف
وأنـا سعيـد أبـو حسـام الملوفـي
بلـد الرئيـس اللـي لأقـال ماخـاف
ضيفـه مخيـر بالعجـل والخروفـي
قلت ونعم معروف..صهاف الأوصـاف
حسني أليا منـه وعـد شـئ يوفـي
دايم وهو فـي قمـة الشـرق هتـاف
وشارون يفعل والرئيـس معرووفـي




القصيدة الرابعه عشـــــــــر

.:::. من عاصمة دولة شيوخ الأمارات .:::.

عندمـــــــــــــا يشتاق الأســــــــر أنظر ماذا يكتـــــــــــب من أحساس يواجهه


من عاصمة دولـة شيـوخ الإمـارات
اليـا الرجـال اللـي بنجـد العـذيـه
سـلام احـر مـن العلـوم القديمـات
واشد واطغـى مـن شـرار الشظيـه
ياصل على ظهـور البكـار العريبـات
جيـش المطايـا لامـاهـي مطـيـه
وساع الخشـوم مظمـرات وطويـلات
غـارب وخـف وقـو عـزم ورويـه
سلايـل الـي يـوم وقـت الغـزوات
تعـز ربعـي يـوم وقـت الحمـيـه
تـدق خشـم الـي تسمـى مسافـات
مـع السهـل ومجالـبـات الشغـيـه
تـروى هنيـا واصـدار البـطـولات
مـن عنـد ابـو خالـد توجـه بليـه
هوشيخ ياقـف للظـروف العسيـرات
والظـرف طـاري والمعسـر خويـه
ولاوازنت جمـرك حـدود الغويفـات
مع شطها عطها العصـا مـن شويـه
معها امـر ديـوان وقـف العقوبـات
وتمريرهـا مـن دون شـرط وجزيـه
وليا وطت رمـل السعـود بسلامـات
وعدت مـن البطحـى مـن الداخليـه
لاتـاقـف الاوصــدار العـقـيـلات
عند المضيـف الـي ورى الراشديـه
عند الرجـال الـي تحشـم المخـوات
اهل الدسـم والهيـل واهـل الحذيـه
ارداهـم الــي لـرتـك لثقـيـلات
يتكـي مثـل صلـب الجبـال القويـه
ولا بركـت نـدر الحـرار الأصيـلات
عقب ارتـوت جـم القـراح المديـه
بجلس على الشـد المبـرز وهيهـات
مايكرمـونـك لاحـرامـن عـلـيـه
مير اقدع اقدع وان حصل خمس تمرات
ورو بفناجيـلـن مــن الشاذلـيـه
وأضفر بشوف اهل الوفى والمـروات
شيـوخ نجـد الـي تعـدل السـريـه
وعطهـم سـلام المحتـرم والتحيـات
وشوق المشرق لافقـد شـوف حيـه
وخبرهم اني وسـط خيـر ومسـرات
وفـي دار زايـد مانشـوف الأذيــه
في خير مافـوت خمـس الصـلاوات
وضيفآ على جـزل الضفـر والعطيـه
كــــن والــــده مــامــات
فـي كـل حاجـة تقـدر تقـول زيـه
كـف السبيـل وكفـه الأخـر فـلات
ومن وين مـا تقبـل مورايـه حيـه
ماهـو بحـر لابـلـه الا محيـطـات
وضوه حريق وضـو غيـره ضويـه
اجلس كريم وعـزت الـذات بالـذات
ومكرمـآ بيـن الـرجـال السخـيـه
ولي ماكـرآ ماهـوب لدنـات منـذات
ولا ينوسـر فوقـه سـوى الفارسيـه
القاطعـات الـنـادرات الأصـيـلات
شقـرآ وهمتهـا ابـيـض بـرديـه
وانـا تـرى مانيـب ياسـر عرفـات
البـس شمـاغ وبدلـتـي اجنبـيـه
اعشق دياري عشـق ماهـي حكيـات
ومازلـت افـوح وفوحـة الوائلـيـه
وأن مربي طـاري ذكـرت الممـرات
سـوى علـى الصفـرا او الفايزيـه
مير الوكـاد انـي بخيـرآ وخيـرات
ومستانسـآ مـيـه بمـيـه بمـيـه
وقررت فـورآ وكتبـو هـذا الأثبـات
عبـر الرسالـه بعـد ختـم التحـيـه
وبـو ظبـي داري ودار البـطـولات
والممـلـكـه داري ودار العـطـيـه
يعنـي إماراتـي وقلـبـي بتنـهـات
ولا سعـودي بـس قلـبـي هنـيـه








القصيدة الخامسة عشـــــــــــــــر

.:::. زياد والشهادة .:::.



يا(زياد) روح أرجـوك لاتجينـي بالشهـادة
وأنت ناجح في الدفاتـر والقواعـد والعلـوم
أنبسط عني هنـاك وعـز قلبـك بالسعـادة
جعل قلبك مايذلك مثل قلبـي بذيـك الهمـوم
عزتي للـي تعلـم بـس ماشـااف استفـادة
من كثر ماهو يخطي مل من كثر ضرب الهموم
دكنـي وقتـي بجيشـه واستلمنـي جـيـادة
دك محشـوم تفحـم فالحـويـة والجـمـوم
يا(زياد)أن قلت رايـق مالقيـت الا النكـادة
وان تصنعت الوناسة ماتجرعـت الاالهمـوم
أملـك الـقـدرة لـكـن مابكفيـنـي أرادة
ومن عطر رمشي لو انه حت والبشرة سموم
والإرادة لو تخلت عن هواهـا فـي القيـادة
كان ماتنجح ووقتـك راح بأسبـاب الرسـوم
والله أنـي ياأحزانـي ماتمنيـت الـجـلادة
لين أنا مليت من نفسـي وضوقـت الهـدوم
وصار مابي الا عظم نخـرة وظلـم العبـادة
وان وقفت أوقف غياره وان قعدت اعجز أقوم
والزمن ماهوب يرحم والوفي من بيدية جيادة
لو صحيـح أن الحـظ يصحـى مـن رقـاده
كان أنا ماقام حظـي عنـد بيبـان الرخـوم
جعـل حـظ مثـل هـذا مرجعـه للـوسـاده
واليا بغيته علـى الله مـن رقـادة لا يقـوم
يانهايـة فـرخ عـود ماورثـت الاشــدادة
والكرامة والصلابـة فـي مواقيـت اللـزوم
أنت عندك علم بأن البخل هـو فيـك عـادة
أي بمعنى انك أنـت إنسـان لكـن محـروم
وأنت عندك علـم بـأن اللـي يكثـر نقـادة
أن اسمه عندنا رجال لكن ماهـوب محشـوم
وأنت عندك علم باني ماحسبت حساب نـادة
آو عطوة ألفين كاش وبشت من ضمن العموم
وألا أنا مبطي معرف عند أصحـاب السعـادة
والمعالي والسمو ودخت من حـب الخشـوم
لأني اثبت ما أتنازل عنـد رغبـات الريـادة
واني ما أسوى اخدم وأنـا بالفعـل مخـدوم
ادري انه ياعضيـدي كـل شـئ وارتـداده
والدليل أني أذوق همـوم ببيتـي كـل يـوم
القهـر أنـي محشـم بالمسـارى والحمـادة
ولو تسحبـت المراجـل ومتمسـك بالسلـوم
اشهد ان الوقـت مر..وقلـه الحيلـة قـراده
والا أنا ماعاد لي دمـع الا بطـراف الكمـوم
ودي اجهل كل حاجه ..وادفن الحلـم بمهـادة
بس وقتي لـو تركنـي ماتركنـي بالرسـوم
يـا(زيـاد)أرجـوك عـــود بالـشـهـادة
واطلب اللي فيد أخوك واطلب المولى الرحـوم
العشـم أننـا بعضنـا كلنـا نفـس الإفـادة
أنت ناجح في علومك وأنـا ناجـح بالعلـوم




القصيدة السادسة عشـــــــــــر

.:::.::.. أنا لا قلت خلصنــا من الربطة بقى شهرين .:::.::..

أذا أردت أن تعرف نوعيه بعض الطيور التى يمتلكها الشاعر الكبير

ياسرالتويجري فما عليك الأ قراءة تلك القصيدة الجزلة بجزالة شاعرها


انا لا قلة خلصنا مـن الربطـه بقـا شهريـن
وانا لا دخت من دوشه طلعت وطحت في دوشه
اهوجس بولع وأسرف وهذري واكثرا التخمين
واثـر وقتـي لمنـي حسبتـه راح بلـوشـة
لـك الله ياعـودن تـوفـا بــول الستـيـن
يـا خـوي لمنـي لمحتـه ضعـت بطوشـه
يا(((ماجد))) ماذبح قلبي غلا مريم ولا يسمين
ولاهو بسبب عنـدي غـلا وفـراق قموشـه
انا مستأسـرن قلبـي بمخلابـه ابـو كفيـن
واحب الطير من صغري وقبل خشم مطروشـه
وانا بعطيك ماعنـدي وودي تسمعـه الحيـن
وابيك تقدر حروفن علـي معنـاي مربوشـه
ترا فكري وتوميبه طواريـح البحـر قزويـن
ونشدلك شوي عن فروخن وتتـرك اعشوشـه
ابيـك تشيـل فـي كفـك وسـيـع العـيـن
جثل فرخ الغتار الي طويل وشقـرن انقوشـه
هذاك الي لامنـك لمحتـه قلـة طيـرن زيـن
سمعك وقالك ياحظه بخيصـن يقـدر يحوشـه
نحره ابيض من المنبا وقفره افطح من الطيـن
وراسه كنها البيضه مـع الجنبيـن مفقوشـه
وانا باخذ من طيور الخواجه جير مع شاهيـن
هذاك تقـل كبـده علـي الحـذراة منهوشـه
هجين وكاسبن خبره ويلعبهـا علـي الحبليـن
ولا فرخ من اهزال الطيور وهـد فـي حوشـه
توصو عند جيناتـه وحطولـه مـن النوعيـن
شجاع ويسبق افروخن علي الصيداة مخروشه
ماهو تفريخ من لندن ولاتفريخ راعي الصيـن
ولاهو خطة امريكـا ولا تفكيـر مـن بوشـه
سعو في شبة شلة رموز في عالـم التهجيـن
ومعهم صاحبي مدري شسمه بس لـه شوشـه
ياحي اقباله النادر وطـول وممتـر العشريـن
وحيـه كلـه بـرزة نبـاه ودقـة ارشوشـه
عليـه الله لامنـك تعينتـه تـقـول اثنـيـن
وحسب ربك كـن الطيـور بجنبـه اخدوشـه
جبر ومصطحن راسه وكاشف يشبـه الفليـن
وعينه كنها نكتـت سـواد بقلـب مغشوشـه
تجـلا عاتقـه حتـي تعـدال هامـة الكتفيـن
وصلبن منسـره كنـه فـولاد وراس ناتوشـه
عريض ومنكبه واقف وعينه حد مـن سكيـن
هجر ما يثني اكراعه عصا ساقيـه محشوشـه
متا والله يجي وقـة نشـد ونركـب الالفيـن
ونقنص بسهل يمت خـذال ونتـرك اعفوشـه
بقفراً خايعاً مابـه سـراج ووغثتـاً غاويـن
ماغير مولعنً تلـه هـواه وينقـل اوحوشـه
وحنا من الطمش ننقل طيوراً ختمهـا برليـن
بها مستعصية شرب الحبـار تطيـح ملكوشـة
يوم ان اللي معه طرح الحماد يطيح بي ثنتيـن
وتالي وقته يمسح نهـره ويحسـب مروشـة
ترا حنا اليـا منـا حسبنـا نقمـز الخمسيـن
ولاناخذ عنـه الا وهـي بالغيـم مخشووشـة
على كثرة عذاريب الحسود وهرجه الفاضيـن
علـى كثـرة أنـي ماحـب عنـاده وكوشـة
أليا منه تهايقلي سرح فكـري بحـور العيـن
وأليا منه تفرعن لي ذكرت الحرب وجيووشـة
مهيبً كن في قصـه جناحـه لمعـه السيفيـن
شعار المملكة ماهو شعـار فـوق خربووشـة
لزوماُ لنتحت جسمة يسمى مكسـب الهاويـن
لزوم اللي نقل غيرة يشيـل البنـدق الخوشـة
هو اللي أقنص بمثلةوأشيل الدين فوق الديـن
او أني اتركت الولعه وأعاف الصيد وعفوووشة
القصيدة السابعه عشـــــــــــر

.::: مســــــاء البـــــــوق :::.


مساء البوق وعيون الذيابه وأتعس اللحظـات
مساءٍ ماوطى قبله علـى رمـل الليالـي ظلـم
مساء العز لا عـزاى وقـدم باقـة العبـرات
مساء الدين وعيون اليتامـا وانكسـار الحلـم
مساءٍ كن شارون اليهـودي يطلبـه فزعـات
يمرك دلم من غدره وتبقى مـن سـواده دلـم
شريتك قرب يوم إني حسبتك من حساب الذات
وبعت الناس بحجاجك حشمتك والحشيمه سلـم
أنا ماصحتلك وينـك عـن (محاكيك)بالنكبـات
أنا أنصحك لاتاقع على الظلعان وأصلـك جلـم
تغر الناس في طنخة عقالك وايسـر المركـات
وأنت أكبر فعايلك الكلام ومـا برأسـك علـم
تحط الطيب في كف (الحكايا) يوم كفـك مـات
وتحط السيف بجراب الفعايل وأنت سيفك ثلـم
علي (تحرم) فناجيل الرجال وريحة الفزعـات
بأنك منت محسوبٍ من حساب الرجـال الوِلـم
رح إستفسر عن علومك وإلامن جبت لي إثبات
بمثل دور(يسريه)على شانـك بأخلـع (فلـم)





القصيـــــــدة الثامنة عشـــــــــــر


::.. الحواجـــــــز ..:::


رحمتـك يالله ترحـم ضعفنـا
يوم غم الجو واخفيت الجـدي
يوم همـي فـوق متنـي متّنـا
والسلام عصوف ريحٍ ترعـدي
والضروف أكبر من اللي ودنـا
والفراق الحل .. والحل الـردي
لاحياة .. ولاممـات .. ولاهنـا
في حنايا الضيم ألقـى مقعـدي
إن سهرت الليل مس ومسكنـا
وإن غفيت افلام رعبٍ تحشدي
صايرٍ مابين مظلـومٍ .. وأنـا
أختلفت وودي أعرف مولـدي؟
والكـرم لليـأس كـأسٍ مدنـا
نشربه لوهـو علينـا يجهـدي
وش نسـوي دام هـذا حظنـا
والحواجـز ماتعـدى بالعـدي
مير صبـرك يالحبيبـه بالعنـا
أصبري ياروح روحي وبعـدي
لايهمـك دن دنـات ودنـدنـا
وبلبة حساد .. وأغضي وأرقدي
دام أنـا وأنتـي تلاقـى جدنـا
نلتقي لوهـب ريـح جلمـدي






القصيــــــدة التــــــــاسعه عشـــــــــر

::. الحــــــــــانة .::


على حد الأمل يبقى بوجه الوقت لمحـة نـور
وعلى حد الجهل يبقى به الهوجاس واخوانـه
مثل ماللعزيمه سيف وتكسر به رماح الشـور
أنا لي من ردى حظي عذابٍ عشـت بألحانـه
يعيش بداخلي(نَصٍ) تكسر به ثـلاث شطـور
واعيش بداخل أبيـاتٍ سخيفـه مالهـا خانـه
يجيني وقت واتخيل أكون المبـدع المشهـور
تصفق له جميع الناس على شانه..على شانه
صدوقٍ ماصدقت الا يكون الصدق بالمحضـور
كذوبٍ ماكذبت إلا على اللـي كـذب اعيانـه
أهيم بصمت واتخيل يكون الزور مثل الـزور
ويوضع فرق بين اللي يخون وبيـن خوانـه
وتسمع كلمة الآمر وتسمـع كلمـة المأمـور
وتنسى كلمة الآمـر وينسـى كلمـة لسانـه
ويصدق متعبٍ حالي بوعدٍ قبل خمس شهـور
ويصدق بس في ظني وأهذري بـس بلعانـه
ويرجع نفس ماجانـي ويرجـع للأمانـي دور
وافكـر مالقيـت الا تـكـون فلانه..فـلانـه
عظيمه كنهـا قصـرٍ تعلـى نايفـات السـور
رقيقـه كنهـا وردٍ تفتـح وسـط بستـانـه
بعيده كنها عنـي مثـل بكـرى لبعـد دهـور
تكافؤ كـن هالدنيـا تعيـش بوسـط ميزانـه
تجيني تلتجي بحماي مادام أن الظـلام الجـور
تقول أرجوك ساعدني فديتـك أنطـق الهانـه
وأقول أنتي..!؟هلابك يابعد مي وعفاف ونـور
هنيا لاعدمت الوقت عسـاه بمدخـل إحسانـه
وأخذت شوي وأستلهمت خيالٍ مامضى له طور
ولا كن الخيال أكبر مـن اللـي ذاق خذلانـه
وجاني حس واتخيلـت بإنـي بالنبيـذ افـور
سكرت إلين هددنـي خيالـي يطعـن اطعانـه
ومشيت وقبل لا أقعدبه لقيت الداير المحفـور
ونويت ألبسه لكنه طردنـي صاحـب الحانـه
حرمني من خيالاتي وكسر لي ثـلاث كسـور؟
أكون الحر والشاعر وأحـب أيـات إنسانـه





القصيـــــــدة العشـرون

::. نقطــــــــة التفتيــــــــش .::

وأليكم القصيــــــدة ...


ينام الزيف بظلال الحقايـق محتـزي بفـراش
صنعه اللي عرف يتقن مداخل لعبـة التشويـش
مثل كذبة عماير بوش وبنـدق عمهـم منقـاش
يدز الناس للتفجير ويسأل مـن وراه وليـش؟!
تقوم الناس تتسائـل وتنجـح خطـة الأحـواش
ويبدأ الشك في دارك وتنصب نقطـة التفتيـش
بعد هذا يجيك اللـي حياتـه ابتـدت مـن لاش
قضى عمره ورى لمياء يحـط بكفهـا تنقيـش
يقول اللي ورى الإرهاب وفجر عندنا وانحـاش
مطوع لحيتـه كذبـه تعلـم بالقصيـم الطيـش
عساك وربي الأعلى تمـوت بغرفـة الإنعـاش
وقبل لا تموت من ربي يحرمك لقمتك من عيش
تبي عودٍ قضى عمره بروضة مسجـده معتـاش
يشيل الدقن لعيونـك ويأمـن منكـم التخديـش!
ألا تكـرم لحاهـم لـو يرابـط فوقهـا نتـاش
وألا تكرم لحاهم لـو تقولـون الكـلام الويـش
هم أكثر ناس ضد اللي يقوم وفي يديـه كـلاش
وهم أكثر ناس لا قامت تقوم ولا يقـوم الجيـش
يمر الوقت وينور علـى الدنيـا شعـاع فـلاش
ويكسب مرضيٍ ربه ويخسر مرضـي التطنيـش
نشـوف ولا تعلمنـا ومـا زلنـا نعـد أوبـاش
بعين الكلب.. ابن الكلب.. راع الكلب ذاك بويش!












نبض الشارع
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
 
ياسر التويجري قصائد مكتوبه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
نبض الشارع :: المنتدى عام :: الادب-
انتقل الى: