راتب ابو نسب ......حكي فاااضي

وليد اسماعيل الكردي يتقاضى راتباً سنوياً يقدر ب566 ألف دينار ما عدا الإمتيازات الأخرى؟!

نيرون نيوز:- يظهر كشف رواتب عدد من كبار موظفي شركة الفوسفات الأردنية، حصول 10 موظفين على رواتب سنوية مجموعها أكثر من مليون دينار. ومن بين الرواتب البارزة راتب مدير عام الشركة السيد وليد إسماعيل الكردي والذي يحصل على راتب شهري مقداره (35) ألف دينار، ورواتب سنوية وبدلات تزيد على (566) ألف دينار. كما يتقاضى النائب خالد زاهر الفناطسة رئيس نقابة العاملين في المناجم والممثل المفترض للعمال أمام الشركة على راتب شهري مقداره (2704) دنانير، وبمجموع سنوي يفوق (43) ألف دينار. ومن بين الأسماء كذلك سعد وليد إسماعيل والذي يتقاضى ما يقرب من (3700) دينار شهرياً، وبواقع (59) ألف دينار سنوياً.

وتالياً أسماء عدد من كبار الموظفين ورواتبهم الشهرية:

وليد اسماعيل الكردي 35390 ديناراً

محمد سليم بدر خان 4856 ديناراً

سهيل جليل موسى مصلح 4576 ديناراً

احمد محمود احمد الزعبي 3885 ديناراً

سعد وليد اسماعيل 3697 ديناراً

فيصل عبدالعزيز دودين 3000 دينار

نجيب محمد احمد الشيخ 2875 ديناراً

خالد زاهر الفناطسة 2704 دنانير

اياد ممدوح العزب 2696 ديناراً

عبد محمد ابراهيم سلامه 2614 ديناراً

عماد محمود سلمان الدعجه 2205 دنانير

سناء احمد قراعين 2108 دنانير

سامر زياد خليل شرايحة 1889 ديناراً

مازن اسعد حسن الخضير 1883 ديناراً

عبير مصطفى المحيسن 1881 ديناراً

ياسر حنا برهم 1851 ديناراً

محمد خالد العطيات 1811 ديناراً

محمد خضر تحمد الحجوج 1682 ديناراً

رامي سهيل جليل مصلح 1657 ديناراً

محمد نواف الحمود 1511 ديناراً

ريم راكان عناد الجازي 1351 ديناراً

احمد رفعت عبدالمجيد قيتوقه 1291 ديناراً

عدم مساواة الموظفين بالامتيازات والحقوق والمزاجية في التعامل: منح زيادة من 200 – 600 دينار لمهندسين في مصانع الشركة في العقبة وحرمان الاخرين وعددهم يفوق 30 وعندما خاطبوا الرئيس وطالبوه بمساواتهم بزملائهم غضب منهم؟

احاط الرئيس نفسه بنواب ومساعدين من المتقاعدين من الشركة ومنحهم رواتب ضخمة، وتعيين ابناء البعض منهم برواتب خيالية.. وقد بلغنا أن الرئيس يمضى اغلب ايام السنة متجولا في دول اجنبية فيما يتولى ابنه الادارة واسمه مذكور في كشف الرواتب.

أما مستثمر بروناي؛ كان اشترى اسهم الحكومة بسعر 280 قرشا للسهم الواحد ودفع مقابلها 78 مليون دينار استطاع استردادها خلال عامين فقط من الارباح الموزعة وحقوقه في الربح المدور والاحتياطات المالية!.

حالياً؛ تشير الارقام ان سعر سهم الفوسفات في سوق عمان المالي وصل الى تسعة عشر دينارا, ليبلغ الفرق بين سعر بيع حصة الحكومة للسهم الواحد حوالي ستة عشر دينارا, بما يعني ان حاصل ضرب هذا المبلغ بما مقداره ستة وعشرون مليون سهم يصل الى 419 مليون دينار, اي ان صفقة البيع للمستثمر الاجنبي قد خسرت خزينة الدولة مبالغ بحدود نصف مليار دينار خلال سنوات معدودة!.
منقول عن وكالة نيرون

ياسلااااااااااااااااام شو هالارقام الخيالية هاي ؟؟!!!!!!!!

اي والله لو انهم بحرثوا اراضي الاردن كاملة على بغل مابطلعلهم هالراتب .....................

ما يحرثوا اراضي انستي ولا يحركوا ايديهم حتى.....
بس لما تكون متجوز اميره رح تحصل على هيك امتيازات

ايوة ايوة هو زوج الاميرة بسمة

ايوووه هي دي ........الامور واضحه يعني

واضحة ياعمي ههههههههههههههههههههههههههههههههه

بتعرف عجبتني هاي (احاط الرئيس نفسه بنواب ومساعدين من المتقاعدين من الشركة ومنحهم رواتب ضخمة، وتعيين ابناء البعض منهم برواتب خيالية) .................... واضح انه صحبته مكسبة ^^

هههههههههه والله صحبته مكسب بس كيف بدنا نزبطه هذا راااس كبييييير ........معقول لو اخذناله علبة توفي بتسلك امورنا ههههههههههههههههه

ههههههههههههههههههههههههههههههههههه لا يازلمة شو علبة توفي انا بقول نوخذ سفط راحة وناشد بجيبنه للطابق مزبووووووووووط



حسب اخر احصائية شو عدد الروس الكبيرة بالاردن ؟؟!!!

ههههههههه انداااري .......ولله الروس الكبيره كثاااار يجوز اكثر من الشعب

هو هيك اللي صاير كلها روس كبيرة بهالبلد ....................الاردن صاير فيه مثل اللي داخلين على مغارة والشاطر اللي بده يلهف اكثر من غيره

خلهم خلهم والله انهم يستاهلوا واحنا نستاهل اكثر من هيك لسا .....
عقولة المثل المال السايب يعلم السرقه

والله المال السايب بعلم السرقة ................................. ان شاء الله عمااااااااااااااار يا اردن عمااااااااااار مع النصابين والحرامية ^^

انا نفسي اعرف كيف هي النفسيه المنحطه اللي عند الحراميه والروس الكبار اللي تخليهم يسرقوا وطنهم اللي رباهم وطعماهم وعالجهم وعلمهم وخلاههم رجال (في مرحله اخرى تحولوا الى اشباه رجال) ...كيف ينسوا كل هذا ويخونوا الوطن انا مستغرب ......اذا الكلب اجلكم الله ما يخون صاحبه ....... فتخيلوا كيف نفسية هاي الشخصيات .........

ههههههههههههههههههههههه لا نفسية وسخة بعيد عنك وغير هيك منافس محمضة

والاوقح والالعن لما يحكوا بالفساد ومحاولاتهم للقضاء عليه ..(وهل يقضي الشخص على نفسه !!!)

هذا استهتار بعقل المواطنين
يعني مش معطين اي قيمه للمواطن واحنا مبسوطين بالله التصرفات هاي تخلي الواحد ينجن
الاردن تقسم وتوزع قدام عيوننا واحنا دايرين ورا العبدللات والفيصلي والوحدات

هو استهتار واستخفاف بعقل المواطن الاردني


بتعرف والله الشعب الاردني مسكين ............... والركض ورا العبداللات وغيره ماهو الا ضرب من الوطنية العمياء

الشعب الاردني خائف اكثر من ما هو مسكين .....
وسوالف الفيصلي والوحدات والامور اللي عشاكلتها هذا مش حظ او من ايد الشعب .....لا لا هاي افعال تختلق وتغذى من جهات رسميه حتى يسهل القبض على الشعب والتحكم فيه عندما يكون منقسما ومشتتا ....

مممممممممممممممم بتعرف القصة مش قصة خائف بقدر ماهي (شعب مش طالع بايدنا نعمل اشي ) ..................... بس بالمقابل في بوادر خير من خلال الاعتصامات والمسيرات المطالبة بالاصلاح

والله ان شاء الله هينا نستنى على امل نشوف هالاصلاح اللي ما اجى من عشر سنين وكل ماله الوضع للاسوا
من عشر سنين وهمه يضحكو عالشعب .....
من عشر سنين وهمه مخدررينا .....الحكومه تلطم المواطنين والملك يطبطب علينا بمكارم ملكيه وديوانيه وغيره وغيراته ....وحتى المكارم كانت تيجي من برا واخر ١٠٠ نيره اجن من المليار ونص اللي من السعوديه ....الله ستر يعني

والله صادق بخدروا بهالشعب تخدير ....................... قولتك الاردن بنظف من هالاشكال من هون ل100 سنة ؟!!!

والله اني اتمنى انه ربي يكتبلي العمر واشوف الاردن بدون حراميه بدون فساد بدون تخبيص وحكي فاضي وحتى لو اخر يوم في حياتي ان شاء الله ربي يستجيب دعوتي ونوصل لهذاك اليووم

ياالله يوم المنى للجميع يابراق (الاردن دون فساد ) ............

اقلك يا مجد بجوز حلمي كبير و مستحيل يتحقق انه نكون دوله مثل الدول الاسكندنافيه او سنغافوره ......الخ هاي الدول اللي الفساد يكاد يكون معدوما فيها لا لا ما بدي زي هيك بس اقلها اروح من الدوام اشغل التلفزيون اسمع خبر تم فتح تحقيق في قضية اختلاس ضد س من الناس
او محاكمه علنيه لنصاب او حرامي من هالحفرتليه
يعني معقو حلمي زي حلم ابليس بالجنه ???

بدك يصير تحقيق او محاكمة لواحد من هالحفرتلية اللي ناهبين البلد لا هو الصحيح فعلا مثل حلم ابليس بالجنة لانها كلها روس كبيرة مشية البلد على كيفها واذا وقع واحد في مين يدعمه لانه كلهم بالهوا سوا وكلهم بدهم يغطوا على فسادهم

شو يعني نحرق حالنا ونرتاح من بعض