الطريق الى وادي شعيب - وادي شعيب - صور وادي شعيب

الطريق الى وادي شعيب - وادي شعيب - صور وادي شعيب




ـ شـو رأيك اليوم نروح على منطقة وادي شعيب في جنوب شرق السلط ؟


ـ أنا سامعك بتقول ياريت ! طيب ، شـو رأيك نلتقي أمام الجامعة الأردنية





أول إشي تشرب فنجان قهوة عندي في البيت ، وبعدين نقول ياااااأللـــه .

مسجــد الجامعـــة الأردنيـــــة



[ندعوك للتسجيل في المنتدى أو التعريف بنفسك لمعاينة هذه الصورة]

ـ حط عداد سيارتك ع الصفر ، طبعا ً السيارة جاهزة من كله ... كله ... ولا ّ لأ .. ديربالك !!


ـ شوف ياخال ! نطلع طلعـة نيفين ، أيوه ، أنا بعرف ، إنـه طلوع حاد شوي


بس شو بدنا نساوي ، أنا بحاول أبعدك عن أزمات السير .


ـ يالله عاد شـد حيلك ، بدنا نلحق قبل ماتحمى الشمس .


ـ إحنا وصلنا الإشارة ، ياعيني علييييييييييييك ! نعم عداد سيارتك بيسجل 3 كم!


ـ شوف يا صديقي ، ها المـرّه ، بدنا نمشي دوغري ، لأنه إذا رحنا ع اليمين بدنا


نروح ع مدينة صويلح ، وياحبيبي ع الأزمة . وإذا رحنا ع اليسار معناته بدنا


نروووووووووووووح ، على حدائق الحسين والمدينة الطبية .. لا ...لا ... لا


الله يعينك بدنا نظل ماشيين دوغري ... معلش فيه طلوع بس مقدور عليه ....


ـ حط أول وقول يااااااا ألله ... شوف شوف شوف ، لما صعدنا الشارع الجنوبي


للمدينة ... صارت صويلح كلها واضحة ... إنت إطـّلع على يمينك .. وشوف

هاالمنظر .... يااااااااااااااااااااااااااااااااسلااااااااااااااا اااااااااااااااااااااااااام !!!!!

[ندعوك للتسجيل في المنتدى أو التعريف بنفسك لمعاينة هذه الصورة]








غني .. ياخوي... غني !! ما أنا سامعك بتقول وياه أنا ماشي ماشي !!!!!


ـ كم عداد سيارتك ؟
إذا العداد 5 ،5 كم ، فإحنا الآن بالقرب من جسر " الكماليه "



عاد الآن ناظر قدامك رح تشوف مناظر بتوخذ العقل .. آه .. هاي منطقة


" الـْـحــُمّرْ "


ـ إحنا رح نواصل طريقنا من تحت الجسر ( فيه دوار صغيرون ) بنحطه على


على يسارنا .... ويالله ... To Essalt with Love ، ماشيين على بركة الله.


ـ أظن عداد سيارتك صار 7.5 كم ، أيوااااااااااه أطـّلع ع اليسار رح تشوف مصلى


وضريح الشهيد " وصفي التل " ... إنتظر!!! عليش مستعجل ؟!!! مطولين


بدنا نقرأ الفاتحـه على روح الشهيد .

مصـلى وضريح الشهيد وصفي التل



[ندعوك للتسجيل في المنتدى أو التعريف بنفسك لمعاينة هذه الصورة]


ضريح الشهيد وصفي التل



[ندعوك للتسجيل في المنتدى أو التعريف بنفسك لمعاينة هذه الصورة]


ـ ماشي ياعم يالله إمشي ، وبس يسجل عداد سيارتك 10 كم ، فأنت أمام جامعة عمان الأهلية ( يعني إنته بأول " طريق السـرو " ) شجر ، كازية ، مطعم ، ورد.

ـ شو تفكر!!! وادي شعيب ؟! بعيد شوي ، بس مش أوي أوي .


ـ نحن الآن على مشارف مدبنة السلط ، يعني عند إشارة قلب المدينة ، بيكون عداد سيارتك 18 كم ، ودير بالك ..!! خذ أقصى يسارك ، حتى تلف بإتجاه موقف الباصات وتحط الكراجات على يمينك .

وادي شعيــب

[ندعوك للتسجيل في المنتدى أو التعريف بنفسك لمعاينة هذه الصورة]