هل تتزوج او تتزوجي شخص عرفته عن طريق الانترنت

هل تتزوج او تتزوجي شخص عرفته عن طريق الانترنت

هل ممكن تتعلق فيه و تحبه و تقرر ترتبط فيه


هل ممكن تتكلم مع بنت عن طريق الشات او المنتديات او المسنجر او اي شئ

و تقرر انك تخطبها او تتجوزها لانك حبيتها من خلف الجهاز و تقرر ترتبط فيها

هل ترضي انك تتجوزي شاب عرفتيه اونلاين ..... وتعطيه عنوانك و تلفونات اهله عشان يقابلهم عشان شاب حلو وحاسيته انه فارس احلامك

سؤال يطرح نفسه و له جوانب عده بدنا نناقشها كلها و نشوف وجهات النظر



شباب الاردن

بالنسبه اللي جنان ....اذا ما تعرفت عالانسان بالصوت والصوره الحيه لاول مره صعب جدا انك ترتاحله ....سواء ذكر او انثى

اتوقع الزواج عن طريق النت افضل من الحقيقة لانه بكتشف الشخص الاخر اكثر و بعرفة من خلال تعليقاتة اذا كان التعارف من خلال موقع اجتماعي

تخطبها احتمال كبير ..........

طبعاً أكيد الزواج ما رح يتم إلا ويكون الطرفين تعرفوا على بعضن بشكل مباشر

وانتي nermeen وين رأيك بالموضوع اللي طرحتيه

انا طبعا ضد الزواج عن طريق النت

لانه يستحيل الواحد يقدر يحكم على شخص من خلف جهاز

الزواج اشي موسهل لحتى الواحد يعطي مشاعره لشخص وهمي

يعني بزمنا الزواج اللي عن طريق معرفة طويلة ولقاءات وحب سواء كانوا اقارب او اولاد جيران

او بالعمل او بالجامعة
ولما بيتزوجوا بيكتشفوا انوه اختيارهم خطا

وكيف عن طريق النت انا بنظري هالشغلة ابدا مش مقنعة

ويعدين الانسان يصطنع شخصيه بكل سهوله عالنت اللي ممكن تاثر عالشخص للوهله الاولى وتعطي انطباع مغاير للواقع ......هذا غير عن انه في ناااس بالكتابه ما شاء الله وكان اما فالكلام عالواقع سلامتك .....فمش زابطه ولا من جهه برايي

وانا من رايك اخي
يستحيل يكون في صدق وبستغرب كيف بكون فيه اعجاب وحب

اكيد بكون في شي مش صح بالعلاقة

برايي الزواج عن طريق النت بتوقع شغلة مستحيلة من منظورين اول شي في خوف تكشف حقيقة الشخص اذا انت بالاصل مو شايفه و الثقة بالشخص فيها نوع من الخوف من خلال هذا النت الوهمي , التعليقات و الكلام سهل اي واحد يصطنعه متل ما حكى الشرمان .
برايي اذا كانت الثقة و الصدق بين الطرفين موجود ممكن يكون فيه ارتباط عن طريق النت بعد ما يتعرفوا على بعض في الواقع الحقيقي خارج اطراف النت الوهمي .
منظور اخر يبقى النت طرف وسيط ممكن للارتباط و تكوين علاقة يعني اكيد ما رح يكون طول العلاقة بين الطرفين محددة بالنت .

مهو مش رايحة تكون كل المعرفة على النت بالعكس هي بتكون بس البداية
يعني بتعرف على وحدة بالنت و بعدين رح تنتقل معرفتة فيها على ارض الواقع بس النت بفتح مجال للتعرف اكثر من الواقع و غير انه الزواج من خلال النت اكثر امان بالنسبة للبنات اما بالواقع اذا طلعت البنت مع الشب هي معرضة للخطر اكثر

ليش انتو دائما بتخافو من التكنولوجيا مع انه فينا نستخدمها بالشكل الصحيح و نستفيد منها

الجواب غلى هذا مش بالمطلق لا او نعم حسب الطرف التاني وحسب مدى الصراحة والثقة الممنوحة

الزواج عبر الانترنت المفروض يكون الانسان مقتنع فيه قبل الاقبال عليه لانه في بعض الاحيان بكون مجرد تسلية وترفيه

بالنهاية راح يكون زواج فاشل
لانه مع الزمن ماراح يضل من خلف جهاز
بده يصير واقع ومافيه تمثيل واحترام بين الطرفين

هاد شي مفروغ منه انه زواج فاشل بس لكل قاعدة شواذ ممكن تصيب مرة من المرات