ملف كامل عن تعارف شاب و فتاة في احد المنتديات تحقيقات اسرار وتفاصيل لم تخطر على البال

ملف كامل عن تعارف شاب و فتاة في احد المنتديات تحقيقات اسرار وتفاصيل لم تخطر على البال
اخي القارئ لا تستغرب من العنوان

السلام عليكم ورحمة الله وبركاته ..

أخواتي البنات وخطابي للبنات قبل الشباب لان البنت ماعندها خبره باللي يعرفه الشاب ..

الموضوع حساس جدا لكنه واقعي وانا راح اتكلم معاكم بتجرد وبدون تصنع وكلام بسيط الكل يفهمه عشان نكون قريبين من بعض والكل يخاف من الخوض في هذا الموضوع او الرد عليه مع اننا بحاجه اننا نكون صريحين مع انفسنا ونواجه الغلط ومانتهرب منه ...واتمنى من الجميع التفاعل ...!!

طبعا في عصر الانترنت والسرعه والتطور اللي قرب المسافات وخصوصا بين البنت والولد وانا متأكد ان غالبيه بنات المنتديات إن لم يكن جميعهن اقل شيء يكون عندها ماسنجر وفيه مشرف على قسم معين مراقب كاتب و و و الخ

بتجي بنت الحين ترد وتقول مو كل البنات خربانات ومو كل البنات يتعرفون على شباب وأقولها اختي الغاليه لاتستعجلين وانا ماكتبت هذا الكلام الا لأني ابغى مصلحتك قبل اي شي ..

وانا ماحكمت عليك بالخراب واتهمتك في شرفك اللي خايف عليه ..

أنا باجي لسؤال مباشر الحين واقول للبنت اللي متعرفه على شاب ..!!

هل البنت إذا تعرفت على واحد بينتهي هذا التعارف او الحب الى الزواج؟؟؟

أكيد مستحيل لأن البنت يوم تتعرف على واحد وتطلع معاه ، تصغر في عين هذا الشاب ( هذا الشيء يتكون داخل نفسية الرجل ولو بين او مثل عكس هذا ) وأقسم بالله العظيم يابنات هذا هو الواقع وهذه نظره الشباب مهما حاول يثبت لك العكس ويبين لك أنك شريفه وغير كل البنات ...

وهذا الشيء أكيد وطبيعي لأنها تخلت عن شرفها وعفافها وقبلت انها تكلم و تطلع مع واحد غريب فكيف يتزوجها؟؟؟؟

اصلا حتى المخطوبين بشكل رسمي الرجل او الخطيب ما يعرض على خطيبتة انها تطلع معاه او تعمل شيء معاه غلط قبل الزواج..!!

فكرة كل ما تتنازل البنت وترضخ لطلبات اللي متعرفة عليه تصغر زيادة وزيادة في عينة وفي نفسة
( وطبعا هو ما يهمة تصغر في عينة شوي ولا كثير هو اهم شيء عنده ان يتسلى ويستمتع فيها ) .

ليش الشاب يوهم البنت اللي متعرف عليها بالزواج ويعيشها في عالم الحب ؟؟

لأن الشاب يفكر في البنات او في البنت تفكير جنسي ،بيرد علي واحد يقول اذا هذا تفكيرك لاتعمم ولكن أقسم برب الكعبه تفكير أي رجل بالبنت في هذا الوضع تفكير جنسي وتسلية في شرفها وعرضها ،........ لـين ما يحصل البنت اللي ما شاف عليها الغلط ويتزوجها حتى لو كانت بنت مهيب زينة مدام هو ما شاف عليها الغلط خلاص عادي ، وكل الشباب يقولون ان اللي ترضى انها يرقمونها و تطلع معاهم هذي وحدة صايعة وهي اصلا تبغي هذا الشيء وترضى لنفسها هذا الشيء ( والرضى يعني الموافق منا على فعل هذا الشيء)، وهو اذا ضيع هذه الفرصة بتروح عند غيرة شفتو شلون تفكير الشباب يابنات؟؟؟؟؟؟؟؟
وهي تستاهل اللي يجيها او يحصل لها من علاقتها مع الشباب او احد الشباب ، ولهذا السبب يستحلون فيها اي شيء على أساس ان اللي تبغي تحافظ على نفسها ما تكون مثل هذي البنت اللي فكرت بالتعارف او تكوين أي علاقة غير شريفة وغير شرعية ومشت في طريق الغلط...
الشباب او الشاب هو في أغلب الاوقات هو اللي يطلب ويلح على البنت ، بس مدام هي وافقت في النهاية ، اي شيء يحصلها او يعمله معاها هي من الموافقة الأخيرة للبنت (وهذا رأي الشباااااااااااب)
وفي بنات يفكرون ((((يوهمون انفسهم))))ويقتنعون بأن الشخص اللي تكلمه او تحبه هو غير عن كل الشباب اللي تسمع عنهم او تقرأ قصصهم في المجلات والافلام والمسلسلات؟
لا مهوب غير واقسم لك بالله انه مو غير تبين تتأكدين أنا اقولك ..

ملاحظة كبيره جدا وتحتها الف خط:

هذا السبب اللي ضيع الكثير من البنات ((((هذه الثقة لشخص غريب محرم عليها)))) لان مو معقولة ان بنت تعمل شيء غلط مع واحد وهي مش مقتنعة بأن هذا الشخص ماراح يتزوجها ، لازم تكون مـقـتـنـعة ، ولو حتى تصديق وعد بالكلام بأنة بيزوجها. هذا السبب القوي في نفسية البنت و اللي يخلي وخلا الكثير من البنات انهم يتنازلون عن شرفهم وعفافهم ، لأن البنت تشوف هذا المتعرفة عليه غييييييييييييييييييييييييييييير عن كل الشباب ، هذا لأنها حبته ووثـقت فيه وسلمت نفسها له ، ويوم سلمت نفسها لهذا الشخص الغريب وعذرا لهذه الكلمة الجارحة ولكنها حقيقة (اصبحت مثل بنات الشوارع في نظر هذا الشاب ونظر الناس وكل واحد عرف بعلاقتها معاه) على أمل والوعد بالزواج ، وللاسف والله الكثير من البنات يغلطون مع بعض الشباب وهم مصدقين ومقتنعين و عندهم امل كبير بالزواج بعد الغلط ، وتقول البنت منهم خلاص هو غلط معاي يعني أكيد بيصلح غلطته وبيتزوجني وان الغلط هذا دليل على قرب الزواج ، وهذا تفكير الجهلات...

وأزيدكم من الشعر بيت الكثير من البنات اللي خربو ما تنصح صديقاتها وتحذرهم من هذا الطريق ، بل بالعكس تساعدهم على انهم يتعرفون وتشجعهم على الانحراف و تزين لهم التعارف والحب وغيرذلك ، وهذا الشيء يكون بطريقة مباشرة وغير مباشرة و الأخطر الغير مباشرة بدون ما تذكر لهم مخاطر هذه العلاقات المحرمة
وهذه حالة نفسية في كل شخص خربان او ماشي في طريق او بطريقة غلط غير الطرق المعروفة والشرعية ويحاول يخرب غيرة عشان يكون مثله وما يكون في طريق الغلط لوحدة

أسألي نفسك أختي الغالية

هل من المعقولة ان الواحد بيروح عند اهله ويقولهم انا ابي اتزوج بنت تعرفت عليها بالتشات أو غيره أو شفتها في مكان وعجبتني وابغى اتزوجها؟؟؟
أكيد أهل الولد مايرضون وبيقولون تبغى تتزوج وحده ما نعرف من وين محصلها او من وين جايبها او متعرف عليها او يقولون تبغى تتزوج بنت من بنات المراكز والشوارع ؟؟؟؟. طبعا الولد مستحيل يعمل هذا الشي ويوضع نفسه في هذا الموقف اللي بدايته ونهايته معروفة ، لا و بالعكس بعد ، إذا قال لأهله بيتهمون البنت اللي متعرف عليها بأنها بنت حرام تريد تخدع الولد وتريد ترمي بلاها او مصيـبـتها على الولد..الخ

ملاحظة واستدراك لما سبق :

حتى لو كانت البنت تقول انا بنت حلال وبنت عائلة معروفة محترمة وسمعتي ما عليها كلام ، هذا الرأي حتى لو كان حقيقة او صحيح فهذا مقتصر عليك أنتي وعلى اللي حوليك ، بس اهل الولد ما يعرفون هذا الشيء وحتى مايفهمون هذا الشيء وخاصة في مسئلة الزواج ( وخاصة لانة ولدهم تعرف عليك بالترقيم... وغيرة ، وهذا الشيء يدل على انة البنت مو كويسه و مو محترمة واخلاقها تعبانة والتعارف بالترقيم وغيرة سمة او صفة تـنـتسب لبنات الشوارع والمراكز ..وغيره)

وطبعا الشباب عندهم كذبة معروفة لهذي المسئلة يقولون للبنت انه بيقول لأهلة انك صديقت اختي اوعرفـتـك عن طريق اختي وأنتي صديقتها وخلاص ... لا وبعد فيه طبعا كذبات اخرى على حسب الوضع .... تحسون من هذي الكذبة اوالخطة لتغطية العيوب والعيب الكبير في علاقتهم والخروج عن المألوف(وهم ما ذكروها الا لأنهم يعرفون ان في شيء مو طبيعي في علاقتهم) ، وأنها في الأصل كذبة وليش هو مضطر للكذب مدام هذا الشيء مو عيب او يجوز (هذي الكذبة مخصصة للبنات)

ثاني شيء حتى من هذي الكذبة لو كنتي مصدقـتـها هو بيكذب على أهلة على امة وأبوه ، هل تتوقعين من واحد مثل هذا الكذاب انة ما يقدر يكذب عليك بعد؟

واذا هو قالك انة يكذب عشان هو يحبك وانة بيكذب على اهلة عشانك وعشان هذا الحب ، انا اقول هو يكذب عليك عشان تستمرين معاه في علاقتكم وبس . واقسم لك بالله العظيم هذا هو المقصد لأن فاقد الشيء لا يعطيه ..

واذا جالك انا برتب مع اهلي او انا متفاهم ومعاهم ، تتحرين هذا الكلام بهذي السهولة تتحرين انة هو يوم كذب عليك يقدر يكذب على اهلة وخاصة مع ابوه !!

أسئلتهم بتختلف عن الأسئلة اللي تسئلين فيها نفسك وتسألينة فيها هذا الكذاب اللي متعرفة عليه ، وشعورك وانتي تسألين هذي الأسئلة تختلف عن شعور أهله وخاصة ابوه .......

يعني انتي شعورك تبين منه انه يطمنك بانه مو كذاب ويبغى يتزوجك ، لكن أسئلة أهلة لازم يكون فيها استنكار لهذا الشيء ولازم في نوع منالرفض يختلف عن نوع سؤالك ، انتي سؤال في نوع من الترجي والطلب عشان يتزوجك....يعني بالعربي راح تنذلين له وانتي والله عزيزه ومكرمه في بيت اهلك وابوك وبيجونك خطاب لو مشيتي صح ليه تجنين على نفسك في الطريق الغلط؟؟؟؟

ما هو تفكير الشباب ورأيهم اذا عرفو ان واحد من الشباب متعرف على بنت؟

والله للأسف في نسبة كبيرة من الشباب يشجعون بعض على الرذيلة وكل واحد يتمنى ان يتعرف ويعمل نفس الشيء مع هذي البنت لأنهم يقولون بأنه هذي البنت لا أختك ولا من أهلك ولا تقرب لك عشان هذا يعملون فيها او معاها اللي يبغون وهذه قاعدة لازم كل وحدة تعرفها والله زين ( لا اختك ولا زوجتك ولا من اهلك ولا تقربلك)

وهذي بعض الدلائل والإشارات التي تدل على الواحد بأنه ما بيتزوج بنت متعرف عليها من قبل ...

إذا كلمت البنت واحد وعطته اللي يبغى، واختلى فيها او حصل بينهم شيء غلط ، بس خلاص بعد ليش يتزوجها مدام هو حصل وحدة (فري) وعطته اللي يبغى؟

ليش يتزوجها مدام اللي يبغاه منها خلاص أخذه وبرضاها ، وعلى فكرة يوم البنت تكتشف او تحس بعد فوات الأوان انها انخدعت وتبدأ تقول وتلح على هذا الشاب اللي خدعها ، انت لازم تتزوجني بسرعة ، يا انه يعمل معاها مشكلة ويختـفي او يهرب منها ويقول لها انا بسافر او بيرد عليها بكل صراحة انتي عطيتـني برضاك وما في احد غصبك على شي ، وانا بصراحة ما قدر اتزوجك او بصراحة ما أبغي اتزوجك . وهذا اللي اسمعة كثير ودايم من أهل التجارب ..واللي يبغونة الشباب.

تبين إثبات أكثر من هذا وأنه ماراح يتزوجك وتعرفين وش نوعيته باختبار بسيط؟؟؟

أعطيك بدال الواحد عشره ..

وانتي تكلمينه اليوم مثل العادة قولي له ان سمعت أن أختك او بنت أختك فلانه متعرفه على واحد اني شفت بعيني هذا الشي راح يتصرف معاكي تصرفين لاثالث لهما ...

التصرف الأول أذا عنده نخوه وحميه وغيره على المحارم مثل ماتشوفينه بعينك بيتوعد فيها ويسب ويلعن ويشتم وقتها بتعرفين قيمتك أنتي عنده لانه مارضاها على اخته وثار

التصرف الثاني ... يتقبل الموضوع لانه هو يكون من النوع الفري الديوث الي مافيه حميه أو غيره وقتها بتعرفين من أي الرجال هو ....

تبين تجربين طريقه ثانيه بعد؟؟؟؟

تخيلي انك تسألين هذا اللي متعرفة عليه وتكلمينة وقلتيلة كم صديق عندك محترم وكفو ومثالي اذا قالك عشر اصدقاء ، قوليلة ليش ما تعرف واحد منهم او تعرف عشرة على اختك او بنت عمك عليهم وتخليها تختار منهم اللي تشوفة مناسب لها يعني وسيم ، يحبها جدا و يوعدها بأنة يتزوجها يعني مثل ما انا اخترتك ورضيت اتعرف عليك ليش ما تخلي اختك وبنت عمك بعد مثلي ، عشان يجربون الحب وحلاوتة ، اكيد ما بيرضها او ما يعملها
لان هذولي من بنات اهلة وله غيرة عليهم ، بس انتي لا اختة ولا زوجتة ولا من اهلة ولا تقربين له فليش يغار عليك ؟؟وهو يرضى لك بس ما بيرضها على بنت من بنات اهلة

وراح يتصرف نفس التصرف السابق اللي شرحته


تبين دلائل أكثر أن هذا الزواج ماراح يتم ؟؟؟؟

أعطيك ...

إذا كان صديق الشاب اللي أنتي متعرفة عليه ، يعرف كل شيء عن علاقته معاك وحركاته معاكي ولو كانت بسيطة وعادية بالنسبة لكي، لازم تعرفين ان اللي متعرفه عليه ماراح يتزوجك ليه !؟؟

لانه يخاف ان صديقه يطلع علية كلام من وراه او يعايره او يعيب علية في يوم من الأيام ويقول انت متزوج وحدة متعرف عليها يعني تـنـفهم انها صايعة

وانا قلت في البداية ان اللي تتعرف ولله والله والله ان يعتبرونها أغلب الشباب انها وحدة صايعة اذا ما كانو الكل، عشان هذا أي وحدة تتعرف على واحد وتعرف ان صديق هذا اللي متعرفه علية يعرف بالموضوع ، يعني مستحيل يتزوجها ، والله صعب وما في احد من الشباب يرضاها لنفسه كل اصدقاءه وحتى الصيع إذا جو بيتزوجون يتزوجون وحدة مو متعرفين عليها من قبل ، وما في احد يعرفها ...


ومن الدلائل او الاشارات التي تدل على ان الواحد ما بيتزوج وحدة متعرف عليها.. اذا عرف ان هذي البنت كانت لها علاقة مع واحد من قبل ..

((طبعا العلاقة مع واحد ثاني ما اقصد فيها الزوج السابق او اخطيب (الخطيب الرسمي) السابق ..
السبب : يخاف او بيفكر بنقطة معينة بأن هذي البنت أكيد او يمكن حصل بينها وبين الي متعرفة علية قبل شيء مهوب زين، وبعد ما شبع منها تركها او خلاها
وبتكون ذريعة الشاب لنفسه لخداع هذي البنت وهو بعد : بأن هذه البنت متعرفة على شاب قبلة يعني بنت لها سوابق وبيقول اكيد هو شبع منها وبعدين تركها ومهيب مشكلة اذا كملت اللي بدأه غيري او اذا كملت عليها واذا انا ما استغليتها في ألف واحد غيري بيستغلونها ، وهي اكيد في اي وقت تبيه بتتعرف على واحد ثاني وهذا الثاني ماراح يترك هذي الفرصة وبيستغلها ، وأنا اولى من غيري .

ملاحظة :

وفي الكثير من القصص اللي حصلت تدل على صحة هذا الكلام ، وفي قصص تدل عليها صحة هذي الفكرة ،ومن القصص ان واحد يقول لزوجتة او خطيبتة :
انا كنت احب او كنت متعرف على وحدة من قبل (يمكن قصدة من هذا الاعتراف يريد التأكد من خطيبتة ، فالبنت يمكن تقول مدام هو اعترف خليني انا بعد اعترف ونطلع كل الخبايا ونكون صريحين مع بعض من البداية ، فالبنت تعترف اذا كانت تحب او كانت عندها علاقة مع واحد من قبل ، وبعدين خطيبها يزعل ويعصب وتحصل مشكلة كبيرة بينهم وأغلب الاحوال يفترقون ..

فنصيحة لكل بنت كانت لها علاقة مع واحد من قبل انـها ما تفكر انها تعترف لخطيبها او لزوجها مهما كانت الاحوال ، وحاولي تمثلين انك من بدايت حياتك وانتي شريفة وانك تـنـتـقدين الفساد في المجتمع وتحاولين تنصحين البنات من خطر التعارف والتلفونات وغيرة ، وان ملفك نظيف من هذي الحركات .

يعني البنت من هذا النوع اذا تبغى تعمل اي علاقة مع اي واحد بالحرام بتحصل مليون واحد بس اذا تبغي تتزوج ما تحصل ولا واحد بطرق التعارف و كل أشكاله..

وفي طريقة سهلة وبسيط دايم يستخدمونها الشباب عشان يستدرجون البنت يقول للبنت ابغي اكلمك على التلفون او اطلع معاك عشان نتعرف على بعض اكثر ......الخ

والبنت لا تفكر انها تتعرف على أساس ان اللي يدور بينها وبين واحد تكلمة عن امور الدين لان في الكثير من القصص ان واحد ملتزم يكلم وينصح وحدة او وحدة ملتزمة تنصح واحد وتنتهي علاقتهم في الوقوع في الزنا، يعني البداية يكون الكلام في الدين وبعدين كلام عادي وبعدين شوي شوية لين ما يقعون في الغلط ، فالبنت او الشباب لا يفكرون يخدعون نفسهم.واقسم بالله العظيم انها وقعتها وشفت الكثير
ونصيحه للبنات اي بنت تبغي تحافظ على نفسها تحافظ على أوامر الله تعالى لين ما يكتبلها الزواج قال الله تعالى (وليستعفف الذين لا يرجون نكاحا حتى يغنيهم الله من فضله) صدق الله العظيم

في بعض الاشخاص قالوا ان مهوب كل الشباب منحرفين وصيع او يدعون للرذيلة وهذا الكلام صح ، بس انا اقصد بكلامي الشباب الي متعرفين على بنات وعندهم افكار ودعوات لهذه العادات القذرة ، واقصد كل واحد بدأ يتعرف او يدخل في هذا المجال ، يعني مدام الواحد تعرف على وحدة يعني هو منهم وهو الي اقصدة بكلامي
وفي نسبة قليل من الشباب ردودهم غبية يعني يقولون انة الكلام اللي اقوله يعرفونة من زمان وأرجع وأقول(الموضوعات الخاصة بالبنات)، يعني اكيد بما انك واحد من الشباب شيء طبيعي تعرف هذا الكلام وتفهمه وتحس فيه ولانك اكيد تعرف او مرو عليك هذا النوع من الشباب وتعرف وشو اللي يعملونة في البنت المتعرفين عليها وايش يحصل بينهم ، وايش هي النتايج ، وما في شيء غريب، بس المواضيع مخصوصة للبنات للبناااااااااااااااااااااات ، لانهم ما يعرفون مثل الشباب وباللي يفكرون فيه الشباب واللي في انفسهم ، وصحيح انه هذا الرد اللي احصلة من بعض الشباب المفروض ما يفكرون فيه ، والمفروض ما يردون علي بهذا الرد ، بس والله شيء زين لانهم يعترفون او موافقين على كلامي ، وهذا دليل على صحة كلامي . وهذا الدليل بستغلة عشان يتأكدون البنات اكثر واكثر بالمواضيع والافكار المكتوبة

وباختصار انا ترجمت الافكار والامور اللي تصير وترجمت خدع الشباب وحالات المتعرفين ونتايج التعارف والنقاط اللي تجدر منها البنت تكتشف العيب والخطأ

والخطر ووهم الزواج عن طريق التعارف في مواضيع وأفكار مكتوبة ..

وفي بعض البنات يـبررون ويحتجون بمثل ( اصابع ايدك مو نفس بعض) على نجاح وعلى انة في امل كبير في نجاح علاقاتهم قبل الزواج حتى لو كانت
اغلب العلاقات اللي يعرفونها كلها فاشلة واغلبها البنت تطلع من هذي العلاقة خسرانة ، وهم اصلا جاهلين من قال هذا المثل وجاهلين بمعنى وأهداف هذا المثل..

اولا هذا المثل او الحكمة او القول ، يـقال ان: الخليفة عمر بن الخطاب رضي الله عنه ، أول ما قال هذا المثل لموقعة من المواقع او حدث من الأحداث التي
حدثت في عهده(وهذا اللي سمعتة من أحد المحاضرات) اصابع اليد ليست واحده

ثاني شيء هل معقولة عمر بن الخطاب يقول هذا المثل لكل وحدة متعرفة او لها علاقة محرمة او اتصال محرم مع واحد قبل الزواج ؟؟؟؟
هل معقولة ان حكمة ومثل عمر بن الخطاب تشجيع للبنات على هذا التعارف ؟؟؟؟ وعلى ان الكثير من البنات خسروا شرفهم وانخدعو من هذه العلاقات الي قبل الزواج بس لان اصابع ايدك مونفس بعض يمكن تـنجح هذي العلاقة لانة اكيد من بين خمس اصابع اصبع ناجح وفيه خاتم الزواج والبنت عاد تجلس تدور وتلف لين ما تحصل الأصبع الي يناسبها وكل مرة تقول هذا هو الأصبع الصحيح والناجح؟؟؟؟
هل معقولة حكمة عمر بن الخطاب رضي الله عنه تنفهم هذا الفهم الغلط وتستغل للتكوين علاقات حرام والاستمرار فيها ؟؟؟

بس حاشاه الفاروق عمر بن الخطاب والعيب في الناس الي تفهم الاشياء غلط وتحللها على كيفها للاستمرار بالغلط والحرام..

ونقطة ثانية مهمة: قال الله تعالى ( ولا تقربوا الزنا إنه كان فاحشة...) صدقة الله العظيم

في هذه الآية امر الله تعالى بعدم الاقتراب من الزنا(ايعني كل الوسائل المؤدية الية..الخ) وليس فقط الامر بعدم الوقوع بالزنا .. لا ..

أيضا امر بعدم الاقتراب من الزنا وكل الوسائل المؤدية إليه ..

ومن الأمور اللي فيها اقتراب من الزنا ..

اذا البنت تعرفت على واحد وتكلمة عن طريق التلفون فيه بهذا الكلام تتقرب او تقترب من الوقوع بالزنا والله امرها بعدم الاقتراب من الزنا..وفي أمور
كثيرمثل التشات ماسنجر اسواق او اي مكان في اختلاط... وغيرة
والمشكلة في موضوع التعارف البسيط ، ان كل واحد يحب يطلع او يبين للثاني ايجابياته (وخاصة الشباب) فاذا مثلا كانو يتكلمون عن طريق التشات اوالماسنجر او التلفون ، تتكون رغبة في نـفـس كل واحد بانة يكلم الثاني او يشوف الثاني ، وكل واحد طبعا معجب بالثاني وكل واحد يقول نفسي اشوف هذا الانسان ..ومن هنت تبدأ العلاقة تتطلب انها تزيد وتتمادى للأسوء .. الحب إدعاء وخداع ووسيلة اصطياد لإقامة علاقة سيئة مغلفة بالحب تتدرج على خطوات كل خطوة في هذه العلاقة تجر وتجعل ذلك المحبوب رهينة لخطوة أكبر
منها تحت سلاح الإغراء او التهديد بالفضيحة الى ان يجره الى الكارثة, وهذا الشخص كالشيطان يغري الانسان بالكفر حتى يقع فإذا وقع تخلى عنه وتبرأ منه, قال
الله تعالى(...كمثل الشيطان إذ قال للانسان أكفر فلما كفر قال اني بريء منك اني أخاف الله رب العالمين) صدق الله العظيم.


كيف البنت تتجنب الكلام غير اللائق على الماسنجر أو التشات؟؟

لازم البنت من أول ما تحصل او تسمع كلمة مو زينة من الشاب او واحد تكلمه على الماسنجر لازم ، لازم ترد علية بقوة وتوقفه عند حده على طول ، وبعدين تعملة بلوك أو تلغيه لأن الواحد يوم يقولكم كلمة ماصخة وما يحصل رد يأدبه ويهين كرامته او يوقفه عند حده (مثل ما قل أدبهة مع البنت اللي يكلمها)، يتمادا او يرجع يعيد الكلام او المواضيع المب زينة او الماصخة.وعلى طول يتحول كلامه مع هذه البنت كلة كلام مثير او ماصخ وصعب انه يرد يتكلم معاها عدل او بحترمها مرة ثانية لأنه حصل تساهل في البداية من هذي البنت.

وقيسوا هذا الكلام على أشياء كثيرة مثلا لو واحد طالع مع وحدة ، أول شيء يعرض عليها الطلب غير لائق بطريقة خفيفة جداً او يقول كلمة بسيطة ، يريد منها ان يفتح الباب للكلام او لفعل اشياء مو زينة معاها، وهو بهذا التصرف او بهذا الكلام البسيط يريد يجس نبض البنت وردت فعلها ، واذا غضبت البنت عليه يتأسفلها كثير ويحاول يقنعها بأنة هذي مصخرة وزلت لسان, وبعدين يغير او يطلب منها تغير الموضوع ، واذا مشت معاه بالكلام بيزيد كلامة وطلباتة للأشياء المب زينة لين ما يوصل معاها للـي يبيه

وأحسن طريقة للرد على هذولي الشباب:

يوم يطلب منك طلب مو زين! قولي له ترضى على اختك تعمل هذا الشيء اللي انت تبغاه؟؟؟، أو ترضى ان أحد يقول لأختك هذا الكلام، وأْْي شيء يقولك اياه مو زين ، عيدي عليه نفس الكلام ، بس في بعض الشباب خبيث ويحاولون يردون ويقولون نعم ارضى ان اختي اتكلم واحد بس اذا كان مثلي (يعني يبي يضرب عصفورين بحجر اول شيء يسكت البنت ويرد عليها وثاني شيء يبين لها بان هو الشريف والصادق وما في مثله) فأنتي اذا رد عليك بهذا الرد قولي له بعرف اختك على اخوي او واحد اعرفه زين وولد متدين وممتاز وابي اعرفه على اختك موافق؟ هو بيتوهج او بـيـورط و يمكن يقولك انا وش يضمن لي ان يكون ولد محترم مثلي قولي له ، وانا وش يضمنلي ان تكون كويس ومحترم وصادق ، وزيادة قولي له انااضمنلك انة هذا اللي بعرفة على اختك يكون محترم مثلك ، واذا قالك بس انا كيف اعرف او وش يضمنلي انة يكون مثلي ، قولي له انا بعرفة على اختك وبخليها تكلمة واذا عجبها وشافتة زين تكمل وياه يعني مثلنا ، اغلب الرد او يمكن يقولك اختي الحين مشغولة في الدراسة وما تفكر بهذي المواضيع (مع انة هو يريدك انتي تفكرين بهذي المواضيع عشان يجرك ويخليك تستمرين معاه).قولي اي وحده من قريباته ومحارمه اذا ماعنده خوات

ومن الملاحظات على الكثير من البنات اللي عندهم علاقات حب مع شباب

ان البنت منهم تتكلم مع الشاب على التيلفون، وتطلع معاه، وأغلبهم يحصل بينهم شيء غلط ولو اقتنعت هذي البنت بأنه هذا الشخص اللي تحبه ما بيزوجها وجبـت لها الدلا ئـل والمؤشرات التي تدل على ان هذا الشخص صعب يزوجها , وحتى لو بينها وبين نفسها اقتنعت ان من الصعب انه بيزوجها ، تقول أنا ما اقدر اخلي هذا الشخص ، وتتحجج بأسباب تافهة او ضعيفة جدا مثلا : ان هذا الشخص أحبه مره وما أقدر أخليه وهو مهتم فيني وينصحني عن اشياء غلط كنت اعملها , وانه غير فيها اشياء كثيرة مثلا يقول لها لا تحطين مكياج او يقول لها لا طلعين ولا شعرة من شعرك وتـغطي , ولا تروحين أماكن فيها شباب لحالك
، فالبنت تسمع الكلام هذا من الشاب اللي متعرفة عليه, فـتـتخيل بأن هذا الشخص ينصحها ويهتم فيها وهذا الشخص يبيلها الخير ولو كان ما يبيلها الخير ما كان نصحها بهذي النصايح.

وهذا العمل او هذه النصيحة مدخل من مداخل الشيطان (لان من مداخل الشيطان انه يدخلك من مداخل الخير), يعني هو نصحها مثلا لا تحطين مكياج والبنت تهتم بهذه النصيحة وتفرح فيها ، بس ليش ما نصحها انه ما يكلمها على التلفون او ما تتـقابل معاه او يلمسها... الخ (ليش هذا مو حرام, مو عيب ليش ما نصحها وقال لها ان الكلام بينهم يعتبر حرام واحتمال كبير اذا أستمرينا نوقع بالحرام) وهذا الشيء محرم عليهم في دين الله , وفي عاداتنا وتقاليدنا أكبر عيب وأكبر عار يعني نلاحظه ان هو نصحها بالنصايحة اللي ما تخرب او تتعارض او تذكرههم بعلاقتهم المحرمة, وهو يعني حرم على غيره, وحلل الحرام لنفسه. وفي اشياء لو مثلا البنت نصحوها اهلها انها تبتعد عن شئ غلط كانت تعملها ما تسمع كلامهم وتسمع كلام هذا الغريب (المحرم عليها) اللي حبته ( وهذي البنت تعرف او كانت تقدر تعرف الصح والغلط بالطرق المشروعة مثل القرآن والسنة والكتب والمحضرات الدينية).

والمتعرف على وحدة ينصح البنت عشان يخدعها فيما بعد ويذكرلها حتى احاديث او شيء من الشرع بس مو اللي يتعارض مع علاقته معـاهـا, مثلا لو كانت زعلانة او كانت ما تكلم اختها او بنت عمها او صديقتها ينصحها ويقولها ما يجوز المسلم يخاصم او ما يسلم على اخوه المسلم اكثر من ثلاث أيام ويذكرلها الحديث ، بس ليش ما يذكرها مثلا بالاحاديث الي تنهاهم عن هذي العلاقة المحرمة واللهي الأخطر .

قال صلى الله علية وسلم ((اياكم والدخول على النساء)) أي الاجنبيات عنكم

ليش ما يذكرلها مثلا فتوى مثلا سئل عنها الشيخ ابن جبرين السؤال التالي

ما الحكم فيما لو قام شاب غير متزوج وتكلم مع شابة غير متزوجة في التلفون؟

فأجاب لا يجوز التكلم مع المرأة الاجنبية بما يثير الشهوة، كمغازلة وتغنج، وخضوع في القول, وسواء أكان في التلفون أو غيره, ثم ذكر قوله تعالى { فلا تخضعن بالقول فيطمع الذي في قلبه مرض} صدق الله العظيم.

واحاديث وفتاوي كثير ما يقدر اللي متعرف على وحده انه يقول لها. لان اذا قالها بيكشف حقيقة علاقتهم. وبتسبب لهم إحراج كبير

ملاحظة في نوع ثاني من البنات (زبالة) تقدر تقردنهم او تتعرف عليهم عن طريق السب و التعليق عليهم ، انا شفت وسمعت كثير منهم يعني بتكون رزة ودفش معاهم يعني تتمسخر عليهم شوي تسبهم على الخفيف وبعدين هم بيمشون معاك في الكلام وبيرضون يتعرفون عليك...وما بطول في هذا الموضوع لانهم ما يستاهلون لانهم زبالة ولو انهم بيكونون كلهم في الهوى سوى المحترمة والزبالة .. بعد ما يتعرفون


مقارنة تدل على سفالـة المتعرفين على بعض

أريدكم تقارنون معاي على دنائـة هذيل اللي متعرفين على بعض، مثلاً في وحدة متزوجة, ومع زوجها في السيارة هل هذولي يقدرون يسمعون قرآن او حديث او محاضرة دينية, اكيد يقدرون وشي طيب و زين لأنة يوم الرجال بيسمع وبـيعـود حرمته على مثل هذي الاشياء الطيبة, بيزيد إيمانها وبتتخلق باخلاق الإسلام زيادة، بس لو واحد ووحدة متعرفين على بعض في السيارة صعب على نفسهم انهم يسمعون قرآن لان القرآن او الحديث اوالمحاضرات، بتـنبهم بالغلط الي يعملونة (وهم يعتبرون بوضع نجاسة) و هم ما يبون هذا الشيء، وما يبون أي شيء يذكرهم بربهم, وأوامر ونواهي وحساب ربهم لكل الخلق, بس يبغون يسمعون آغاني مع بعض عشان تزيد وتـثير الغريزة بينهم زيادة ، وتذكرة وزيادة لكم اطلق العلماء على الاغاني اسم (بريد الزنا).

(القصة للتأكيد على نقطة معينة او لفتح موضوع)

مرة من المرات كنت مع صديقي في السيارة فاتصلت خويته على تليفونة , المهم وكنت مشغل القرآن في السيارة وبعدين صديقي (سكر المسجل عشان كنت مشغل القرآن فأغلقة عشان يكلم خويته) فرجعت اشغل المسجل مرة ثانية ورجع اغلق المسجل ، المهم خلص المكالمة مع خويته وقلتلة ليش سكرت القرآن قالي تبغى تنزل من مستوى القرآن؟؟؟؟ (والله انة قال هذا القول وانة هذا اللي حصل) (شوفو كيف يعني هو اعترف ان علاقتهم مع بعض بلسانه ولو كان مو قاصد هذا الشيء على انه علاقتهم سيئة ومستوها سافل ، فكيف هذي البنت اللي متعرف عليها وعندها أمل في الزواج منه تفكر ان علاقة بهذي المستوى السافل انة بتنتهي بزواج(مع انة كلامهم ما في شيء يخل بالادب) ، وهل تتوقع من هذا الشخص بيرفع مستوها او بيقدرها وبيخلها بمستوى اللي يطمح إليه كل شاب بان تكون له زوجة العفيفة ومحتشمة وما عندها هذي الحركات ، تعارف طلعات مواعد تلفونات ..الخ

وطبعاً البنت يوم بتتعرف على واحد بتحصل مجاملات كثيرة من التعارف، مثل الهدايا في أعياد المسيح يعني في عيد الحب ، ومجاملات كـثـيـرة في اشياء كثيرة ، يعني في الكثير من الشباب يعترفون قدام بعضهم ويعترفون بلسانهم ويقولون انة لازم الواحد اول شيء يذل عمره وحتى يبوس رجلها ، ويحاول معاها بكل الطرق يعني يبني معها علاقة حب قوية ، ويجيـبلها هدايا ويقولها احسن الكلام ويبني الثقة بينهم ، بس عشان آخر شيء او في النهاية يوصل للي يبيه منها يعمل معها أشياء وضيعه او اللي يبغاه بس قبل الزواج (يعني بدون زواج)، فلا تـغـتـر البنت من كثرة الاهتمام فيها ، وتقول مسكين مره او كثيـر تعب عمرة عشاني ، وعشان هذا تـتـنازل عن شيء من خصوصيتها وتقول لازم أرد جميله عليه ، او اراضيه وتعمل أي شيء هو يطلبه ويلمح لها عليه مثل انها تعطية صورتها او تطلع وياه وتقول بس شوي عشان خاطره ...

ومن آداب الانترنت انة الوحدة ما تذكر اسم عايلتها او اسمها لان البنت يوم تكتب اسمها وبعدين اسم عايلتها يمكن تشوه صورة او سمعة عايلتها ويقولون شوفو بنت فلان او اخت فلان او من اهل فلان حصلت اسمها على الرسايل .. الخ حتى لو كانت رسايل عادية او دينية ، أغلب الشباب يترجمونها غلط ويمكن يستغلونها غلط فالواحد ما يفكر وش هذي الرسالة بس يشوف اسم وحدة واسم عايلتها ياخذ فكرة غلط وشينه عنها وعن عايلتها، يعني مثلا في بعض الاشياء معروف انه كل الناس او البنات يعملونها بس العيب انها تنعرف او يعرفون انة بنت فلان بالتحديد انها عملتها ( ابغي افهمك اللي في راسي يعني هو شي عادي يسوونه بس لو سمعو بنت فلان سوته أوووووووه صار خبطة الموسم) يعني البنت اذا ذكرت اسمها او اسم عايلتها شينه والله خاصة على التشات او الماسنجر او اي طريقة غير مشروعة من تعارف واختلاط .

يعني هل تتخيلين انك يوم تكتبين مثلا اسمك واسم عايلتك في التشات الناس وخاصة الشباب بيحترمونك زيادة والله بالعكس ، يعني تخيلي انك كنتي ولد وكلمتي بنتيتن في التشات ووحدة حاولتي تعرفين او تجرين منها أي معلومات خاصة مثلا اسمها وبعد كل المحاولات ما قدرتي شو بيتكون في نفسك أول شيء خيبة (وجهك بيطيح) وفي نفس الوقت احترام لها لان حتى اسمها مو راضية تقوله ، وتريد تستر حتى على اسمها ، والبنت الثانية مرة جاهزة تستعرض في التشات (اوصخ مكان) انا بنت فلان الفلاني ، والله فرق بين الاولى والثانية


وشوفوا يمكن الوحدة تتزوج عن طريق شغلها مثلا في مؤسسة او أي وظيفة حكومية، بس طبعا لازم تكون بشروط باذكرها لكم باللي بيخطر في بالي الحين: اولا لازم تكون محترمة يعني ماتتكلم او تسولف مع الرجال او الموظفين إلا بمجال وبخصوص العمل بس ، وللاسف نشوف مرات الوحدة منهم تضحك مع الموظفين وتسولف معاه كأنها وحدة من صديقاتها ، المهم ولو الواحد يبغي يزوج وحدة من زميلاته بالعمل لازم يطلب ايدك من اهلك على طول وبدون لف ودوران مثلا يعني يقولك ابغي اتكلم معاك او اقابلك عشان نعرف بعض اكثر ( ليش كل هذا اذا هو طلب منك هذي الطلبات وش الفرق بينك وبين البنات الي تنازلوا عن خصوصياتهم على امل بالزواج بهذي الطريقة ).

وبدال الواحد ما يطلب من الوحدة انها تكلمه وبعد ما يعرفها اكثر يروح عند اهلها وبيخطبها، ليش كل هذا اللف والدوران يوم يبغي يتزوجك يقولك ويروح عند اهلك على طول . ولازم كل وحدة تعرف انه اي واحد ما يشتغل انه ما راح يتزوجها ، لانه هذا يكون لعاب يبغي يحصل شيء يتسلى فيه لين ما يخلص الدراسة ، وبعد هذا بالنسبة للي يشتغل ويدرس هذا بعد مو راعي زواج لان اللي يشتغل ويدرس هذا صعب يحصل فرصة انه يزوج ويشيل مسؤولية بيت وحرمة ، وأغلبية اللي يخلصون الدراسة ويشتغلون يخطبون او يتزوجون على طول ، والبنات اللي متعرفين عليهم من قبل يتخلصون منهم ، مثلا يقول للوحدة منهم أنا ابوي مو راضي اني اتزوجك ويقول كل ما يرجع يفاتحة في هذا الموضوع (يغضب عليه)، او يقول اهله مو موافقين على زواجه منك ، وان امه تبيه يتزوج بنت خالته ، والشباب اللي يغلطون مع البنات ويبغون يشردون ( يهربون)، يقول للبنت أنا بسافر او يعمل معاها مشكلة ويخليها تكرهه وبعدين يقوليها بسافر، ويغير رقمه وهكذا ..ألخ اعذار كثيرة.



البنت لا تفكر ولا تـقـيس ولا تقارن نفسيتها بنفسية الشباب ليش؟؟؟؟

لان في فرق واختلاف كبير ، مثلاً لو وحدة متعرفة على واحد ، وهذي الوحدة وصديقتها يعرفون بالموضوع او يعرفون كل شيء عن علاقتهم مع بعض

فمثلاُ لو تزوجت هذا الرجل بيكون شيء عادي بنسبة لها ولصديقاتها .

ولو واحد متعرف على وحدة وأصدقاءه يعرفون بالموضوع صعب او مستحيل يزوجها، لان يعتبرها فشيله او فضيحة قدام اصدقاءة ، وبيقولون له ..

من متزوج هذيك البنت اللي متعرف عليها وتطلع ومعاها(يعني تنفهم صايعة)، صعبة ان الواحد يتزوج وحدة اصدقاءة شايفينها تتمشى معاه أو تكلمه في التلفون وهم جنبة (بقربة)، او قايل لهم حركات هذي البنت ووصفلهم شكلها ، ببسط المثال يعني الوحدة تقدر انها توري او تخلي صديقـتها تشوف صورة خطيبها بس الرجال مستحيل مستحيل يخلي احد من اصدقائه يشوف صورة خطيبته ، لانها خطيبته وبتكون حرمته ويغار عليها، شوفو الفرق بين نفسية وطبايع الرجال اللي تختلف عن الحرمة .
والشباب اللي متعرفين ما عندهم سالفة إلا يتكلمون عن البنات اللي متعرفين عليهم ويشهرون فيها وبسوالفها والقصص اللي تحصل بينهم معاها ، بين كل الشباب
((فكيف بيزوجها يعني مستحيل والله))).

من الأدلـة القوية التي تدل عل انة الواحد مايـتزوج وحدة متعرف عليها..

إذا عرفت البنت ان اللي تحـبـة يكلم ربعه أو أصدقائه عنها او يكلمها وربـعه جنبة فلازم البنت تعرف انة ما راح يـتزوجها او مثلا رقم وحدة في الشارع او في المركز وربعه معاه لازم تعرف البنت انة ماراح يتزوجها لانة ربعه جنبه وهاذي بعض الدلائل والمؤشرات القوية على انة الواحد ما يتزوج وحدة متعرف عليها.

في بعض البنات يستغربون ويقولون هل معقولة في الكثير من الشباب ما يخافون من الله وما يعرفون أن هذا دين عليهم وأن الله يببـلاهم في خواتهم وأهـلهم ؟!

كل واحد منهم يقول لنفسه ولاصدقائه ان شاء الله هذي فترة مراهقة او طيش وبتعدي ، ويوم بكبر بتوب او يوم بتزوج بترك حركاتي مع البنات وبتوب والله بيتوب علي وانتهى الموضوع.

وإذا نصحت واحد منهم يرد عليك مثل ألف غيره يقول لا انا أول ولا آخر واحد او يقول شوف الي أكبر مني وش يسوي، يعني هو ما يسوي شيء غلط مع
البنات الا شوي وهو يقارن نفسه مع ربـعه او واحد وصخ يعرفه ، فيشوف نفسه ان ما يغلط كثير لو قارن نفسه بصديقه ، ويقارن أعماله باعمال واحد اوصخ منه ، فيهون على نفسه إللي يعملة مع بنات الناس ، وحتى لو ما كان عند صديق مهوب زين ، هو يبرر بسوء الظن بكل الناس ويقول في شباب يعملون اكثر مني.
او يرد عليك وهو يضحك او يستهزأ ويقولك لو نصحته عن اللي يعملة مع بنات الناس ، يقولك ليش انت مطوع او يقول آسف ما أدري انك مطوع، يعني الحين هل الشاب إلي ما يكلم او ما يكلم بنات يعتبرونه مطوع ، اظن هذا ... عشان هم من كثر ما هم سفلة ونفسيتهم وآخلاقهم سافلة يشوفون إللي ما يكلم بنات هذا مطوع ، اومن كثر ما انتشرت هذي العادة الوصخة عن الشباب يظن انه كل الشباب يعملون شي ، إلا نسبة قليلة إلي هم المطاوعة وهذولا متشديديناو متعقدين وبان فئة الشباب إلي عندهم بنات هذي الفئة العادية وبأنهم ناس عاديـين وهو عادي مثل هم او مثل الاغلبـية.

ولو قلت لواحد من هذولي الشباب حديث او قصة تبين ان هذا دين عليه والله بيجازيه بنفس العمل اللي كان يعملة مع بنات الناس، بيقولك وهو متكبر او غير مهتم او ان هذا الحديث او المعلومة قديمة وهو يعرفها ، ويقولك اعرف اعرف ، بس مهوب يعني انهم يعرفون الاحاديث انهم يتركون اعمالهم الوصخة.

ملاحظة:


اذا الشاب قال للبنت والله احبك فهو ما يعتبر كذاب ؟؟

اذا الواحد متعرف على وحدة وقال لها والله احبك فهو ما كذاب لان يعبر عن شهوة وغريزة وميولة من واحد لوحدة يعني مثال اذا الشخص قال والله احب التفاح كثير فيها مشكلة او يعتبر كذاب اذا قال انا احب التفاح ، يعني الواحد (الذكر) اذا قال لوحدة (انثى) انا والله احبك واموت فيك ما اكذب بس مو يعني ان هو يقدر
يخليك زوجة يمكن عشيقة (بنت للمتعة او للتسلية بس) بس مو يعني هذا انه بيتزوجك وبيوضعك بمرتبة الزوجة وشرفها مهما كنتي, لانه هو متعرف عليك ويكلمك قبل الزواج او قبل الخطوبة رسمية بمعرفة الوالدين.

واذا قال والله انا اتمنى وودي اتزوجك اليوم قبل بكره ، فهو يمكن ما يعتبر كذاب ، بس هل يقدر يتزوجك هل يقدر يكلم اهلك عشانك ، هو يمكن يعبر عن رغبة
(وحلف بأسم الله) ، بس هو ما عندة استطاعة او في موانع قوية لهاذي الرغبة ، هو ما يذكرها ، بس يعبر عن الرغبة ويقدر يحلف عليها ، يعني يمكن تقولين يتلاعب بالحلف او يكذب بالحلف وهذا نوع آخر بس مشابه لحلف الشباب

مثال واضح جدا وقوي :

في بعض الأحيان شباب يشوفون التلفزيون ويمكن يشوفون ممثله او رقاصة او عارضة ازياء او بنت من بنات الدعاية مرات يصدر منهم بعض الكلام يعني مثلا اذا شاف وحدة منهم يقول والله نفسي اتزوجها او لو ماكنت متزوجة كنت بتزوجها ، يعني كلام فاضي ، هل هو في الحقيقة يقدر او اذا قالوله خلاص البنت هذي قدامك وقدام ربعك اذا تبغي تتزوجها اتزوجها ،اكيد هو ما يبغى يتزوج من هذا النوع ، هذا بس كلام ، مع انه حلف بالله (وهذا نوع من انواع الحلف عند الشباب).

وملاحظة مهمة لأهل البنت اللي يكتشفون ان لها علاقة مع احد الشباب..

إذا أهل البنت اكتشفوا ان بنتهم تكلم واحد او اذا أم البنت اكتشفت ان بنتها تكلم واحد لازم تعرف ان مهما كانت طريقة تهديدها ان هذي البنت يمكن تلتزم لفترة لين ما يهدى الوضع او بتكون حريصة جدا بحيث ما تنكشف مرة ثانية , وتستمر بعلاقتها مع هذا الشاب (لانها في الأصل مو مقتنعة ان هي تتركه او بالعكس هي تعتبر نفسها هي الصح وأهلها مو فاهمين شيء عن علاقتهم وحبهم واهم شيء زواجهم في المستقبل).
حتى لو كانت البنت خلاص تبغي تنهي علاقتها مع هذا الشاب ، الولد مايتركها وبيحاول يتصل فيها بكل الطرق (فهي بهذه المحاولات تبدى ترجع وتعتقد ان هذا
الشخص معذب عمره مره , وان هو صدق يحبها وصادق في مشاعره) بس لو هو صدق جاد ويريدها ويبغاها تكون زوجة له مو لعب وخداع، يتقدم يخطبها رسميا مثل الناس، وبما انه اهل البنت عرفو انه بنتهم لها علاقة مع واحد يعني بهذا المعرفة تعتبر مثل مقدمة او هذي المعرفة تقديم للخطوبة الرسمية ، بس لان هو ما يتشرف يتزوج وحدة متعرف عليها ولانه اصلا ما يبغي يتزوجها , يبغي يخدع هذي البنت ويبغيها تستمر بعلاقتها معاه ، وهو اصلا اذا عرف ان اهل البنت عرفو بيخاف يتقدم لأهلها يخاف يرفضون إذا عرفو ان هذا هو اللي متعرف عليها ، واصلا بعد ما له وجه يقابل أهل البنت بعد ما تعرف عليها فـيتم بعيد عنهم ويبغي البنت اذا استمرت بعلاقتها معاه بدون معرفة أهلها وهي تعتبر من دون ظهر وما في احد بياخذها وبيدافع عن حقها اذا ضاع.

ومن وسائل الشاب اذا يبغي يعيد علاقة مع وحدة يستعين بصديقة خويه، يعني يتفق مع خويه على ان صديقتة تكلم البنت اللي يبي يكلمها وتقول لها ان فلان يحبك و متعلق فيك وهو ميت عليك.

ملاحظة:
هو يتفق مع صديقت خويه (يعني وحده ضايعه) انها تقوم بالمهمة او رد العلاقات بين واحد ووحدة (توفق راسين بالحرام) بس مستحيل مستحيل الشاب يطلب من خويه ان اخته او زوجته انها تساعد هذا الشاب في انها ترد علاقة هذا الشاب مع هذي البنت اللي متعرف عليها ، لان عيب واكبر غلط ومايصير وما يقدر ان الشاب يطلب من خويه ان اخته او زوجته تعمل او تقوم بهذا العمل لانهم من اهل خويه وهذا ما يرضى على اهله او اخته انها تشارك في هذي السوالف الوصخة فيستعينون بوحدة ضايعه مثلها

وفي نوع من البنات في قمة الغباء، يعني من القصص والسوالف الكثيرة الي تتكرر ان وحدة تحب واحد متعرف عليها، طبعاً متواعدين بالزواج قي المستقبل (يوم بيبيض الديك)، لو جاها خطيب مثلاً ولد عمها او ولد خالها ترفضه، عشان هي في بالها واحد ثاني (واحد متعرفة عليه لاعب عليها ومرقمها او قردنها في التشات او عن طريق صديقة خويه)، ولو مهما صار ماراح تتزوج غيره ، وتقول غير هذا الشخص الي احبه ماأتزوج.

ملاحظة:
صدقوني هذي حالة نفسية يعني مرات الواحد يشوف شيء قدامة مثلا سيارة يقول خلاص انا لازم اشتريها وماراح أحصل مثلها ويحاول يدبر فلوس بـأي طريقة وبعد فترة بالصدفة يقرأ عن مواصفات سيارة ثانية(مع انه من قبل يعرفها) بس ما يعرف مواصفاتها فبعد ما عرف مواصفاتها يقول خلاص هذي احسن ولو رجع يفكر في السيارة الاولى إلي عجبتة بيقول الحمد لله اني ما اتسرعت وشريتها ولا صدق كنت بندم كثير ..

فالبنت اذا كلمت شاب اول شاب لاتفكر انه هذا الشاب هو بس اللي بتحبة واذا جاها خطيب ما تعرف عنة شيء تقول انا ما اعرفة وما احبة بس هذا الخطيب لانها ما كلمتة تقول عنة غريب مع انه هذا اللي متعرفة
عليها في البداية كان بعد هو غريب فإذا البنت جاها خطيب لازم تعرف انها بتحبة اذا كلمتة واذا خطبها لانها ماجربت تكلمة ، مع ان الفرق واضح وكبير بانها تكلم واحد متعرف علية وبس عطاها وعد بالهوى بالزواج وبين واحد جاي باحترام ودق الباب وجا يطلبك للزواج من ولي أمرك ، وجاي يتزوج خلاص و ينتظر موافقـتـك بس


في قصص اعرفها زين عن بنات رفضوا اللي جاء يخطبهم مثل الناس بطريقة رسمية شرعية ، عشان هي على امل كبير انها بتتزوج من هذا اللي متعرفه عليه ....البنات رفضوا ورفسوا النعمة برجولهم، عشان علاقة بدايتها غير شرعية وبدايتها غلط وبـتـنـتهي بالغلط.


ملاحظة:
شي طبيعي أي واحد يقول في باله ان هذي البنت غبية وبضيع عمرها (( بس هي مقتنعة انها صح وكل وحدة تتعرف على واحد تكون فرحانة ومقتنعة انها على الطريق الصح وطريق الحب والسعادة ))

خطر الشاب في بداية سن المراهقة الشاب في هذا السن يكون بالغ ويفكير بالاشياء اللي مو زينه اكثر او لدرجة انة في هذا السن اللي في هذا العمر ما يفكر بأي شيء اسمه دين وانة بينرد في خواتة وبنات أهلة وفي اليوم اللي بيتزوج وبيجيب بنات ، يعني ما تكون له سيطرة على نفسه فالخوف كبير من هذي المرحلة خاصة في الأماكن اللي فيها حرية او انحلال اخلاقي وكثر الامكان الاختلاط بين الجنسين وفوق هذا يشوف نفسة كبير بس سنة صغير ، يقول وين انا ووين الزواج خليني اتعرف على كم بنت من هل بنات لين ما نوصل لوقت الزوج....

والبنت بعد في بدايت سن المراهقة ما تكون على وعي بالي يمكن تخسرة من هذي العلاقة ونتايج اللي بتخسرة على مستـقبلها ، وما يوصل درجة تفكيرها لانها تفكر بالاسباب اللي تمنع الزواج عن طريق التعارف والأشياء اللي ذكرتها في الموضوع..الخ ، البنت في هذا السن تتحرا الزواج وانه تعارف وبعيدين حب وبعدين زواج ، بس هذا مستوى تفكيرها يعني وش تتوقعون اكثر ، هل بتفكر انه رقمها وصديقة جنبة ؟؟؟هل بتفكر بان صديقه
او اصدقاءة يعرفون عنها ، اسمها ، سمعو صوتها ، سمعو سوالفها ، عرفوا علاقتها بالولد ، لا ماتفكر ...
وفيه نوع من البنات بتتزوج وبعد الزواج تكتشف او تعرف ان زوجها على علاقة مع بنات ، يعني يخونها مع غيرها , و هذولي البنات من القهر يفكرون غلط

فتقول البنت هذي اللي رجلها يخونها لازم تأدبه او تـنـتـقم ، لازم تخونة مثل ما هو يخونها (وانا سمعت الكثير من هذي القصص، وفي شخص حصل معاه نفس الشيء اتصلت له وحدة متزوجة، دقت اي رقم وطلع رقم هذا الشخص يعني تبغي تتعرف على اي واحد ما يهما أهم شيء عندها انها تـنـتـقم ، وهي قالت لهذا الشخص نفس الكلام الي كتبته فوق تقريبا ، أول شيء لازم تعرف البنت من هذا النوع ان الغلط ما يتصلح بالغلط ، حتى لو كان زوجك زاني ويخونك انتي ليش تكونين زانيه مثله، ليش ما تكونين شريفة وعفيفة في كل الاحوال.

وتعليق على الرجال او الشباب الي يزنون ويخونون حريمهم حتى بعد الزواج ، هذي الخيانات دليل او نتيجة لانه عود نفسه على السوالف الوصخة قبل الزواج
وحتى بعد الزواج ما يقدر يصلح نفسه لانه تعود في بداي شبابه على الحرام ، فهذولي والله يصلحهم يزين لهم الشيطان الحرام أكثر من الحلال . ولانه
قبل الزواج تجرأ وزنا مع وحدة او اكثر، و حتى لو اتزوج تكون له قابلية او استعداد كبير اذا سمحتلة الظروف انه يريد يزني لانة قبل الزواج كسر حاجز الخوفمن الحرام.



من سلوكيات وعادات الشباب والبنات هذي الأيام والأعمال اللي يعملونها بدون تفكير وما يحاسبون نفسهم على فعلها مثلا
في شباب يوزعون أرقام البنات على بعض ولو سألت الواحد منهم ليش تعطي فلان رقم وحدة ؟! يقولك هذي وحدة ضايعة او وحدة فري تكلم شباب عادي عندها
او هذي تكلم الف واحد فعادي وش المشكلة اذا عطيته رقمها ، ما فكر أن هذا الصديق لو عمل معاها أي عمل مو زين مثلا ان لو زنا معاها او لمسها او قبلها ما فكر ان بيحصل نفس الاثم ، لان هو السبب الرئيسي (هو سبب تعارفهم) واللي يحصل بين هذيل الاثنين ، ويوم تقوله ليش عطيته الرقم بيقولك انا بس عطيته الرقم وما عملت شيء ، ويقول بعد ويتحجج بان هذي وحدة تكلم مية واحد وما يتأثر لو تعرفت على ربعي (او واحد يبغي يتمصلح معاه او يراضيه فيعطيه رقم وحدة عشان يرضيه ويقوي علاقته وياه او حتى حب منه لنتشار الفسق والزنا .


ومن سلوكيات الشباب والبنات مثلا طلب منك واحد انك ترسله أغاني او تعطيه اغنية ، لا تسمع كلام وتنفذ رغبه على طول، فكر أول هل انت يوم ترسله بيكون عملك هذا حرام (لانك بترسل شيء حرام) او عليك أثم لو ارسلت له هذا اللي طلبه ولاتقول انا بعطيه او برسله عادي وتـتلكك وتتحجج انه يقدر ياخذ من ألف واحد بسهولة ، فليش ما ارس